කාලය සමඟ මිනිසා පරිනත වන්නේය. එසේම මිනිසා දුර්වල වන්නේය. කාලයට ඉඩ දී බලා සිටීම අප බොහෝ දෙනෙකුගේ පුරුද්දක් ය. එය කාලාන්තරයක් තිස්සේ පවත්වාගෙන ආ චර්යාවක් බවට් පත්ව ඇත. ඇතැම් අවස්ථාවලදී එය වාරිත්‍රයක් තරමට ප්‍රබල වී ඇත. දිනක් මා යම් පිරිසක් වෙත යම් ආකාරයක නිරීක්ෂණයකින් යුතුව කාලය ගතකළෙමි. එහිදී දුටු දෙය නම් තමාට පැවරෙන කාර්යය නිසි ලෙස කරගැනීමට නොහැකි වන පිරිසක් මහා සමාජය ඉදිරියේ දේශන පවත්වන අකාරයක් ය. ඔවුන් මෙරට මාධ්‍ය පිළිබඳව පමණක් නොව ජාත්‍යන්තර මාධ්‍ය පිළිබඳවද අදහස් දරන බව පෙනුණි. සැබෑ කරුණ කෙලෙසකවත් අවබෝධයක් නොමහිව එහෙන් මෙහෙන් ඇහෙන වචන භාවිතයට ගනිමින් එකිනෙකට නොගැලපෙන මොනවදෝ දේවල් කියවනා ආකාරයක් දිස්විය. ඔවුන් වාඩි වී සිටින්නේ ඉදිරිපෙළ අසුන්වල ය. අවාසනාවක මහත නම් ඔවුන්ගේ දේශනවලට සවන් දෙන්නේ මාධ්‍ය පිලිබන්දව කිසුදු අවබෝධයක් නොමැති අහිංසක දරුවන් වීම ය. පෙනී යන ආකාරයට ඔවුන් පරිනතයින් ලෙස පෙනී සිටින පත නරින් ය.
දැන් කතාවට හැරෙමු. බාබරා සහ ඇලන් යන දෙදෙනා රචනා කළ පොත් සමුහය අතරින් එක පොතක් මට හමු වුණා. එය කියවද්දී දුටුවා දෙයක් තමයි චොකලට් දුඹුරු පැහැය හැඳගෙන සම්මුඛ පරීක්ෂණයකට යන්න පා කියන එක. මටත් මේක ගැටළුවක්. ඇයි දුඹුරු පාට අවුල්ද? ඔව් අවුල් වගේ තමයි. දේශන ශාලාවකදී දවසක් මේ දුඹුරු පැහැය පිළිබඳව කතා බහක් ඇති වුණා මටත් හොඳ පල්ලම. මමත් මේ කතාව හොඳට අහගෙන හිටියා. එකවරම දේශනය කියවුණේ සම්මුඛ පරීක්ෂණයකට යද්දී දුඹුරු පැහැය හැඳගෙන යාම එතරම් ගැටළුවක් නොවන බවය. දැන් මා සිටින්නේ දෙලොවක ය. මේ පැහැය අවුල්ද නැද්ද? එක්කෝ කවුද හරි නැති නම් කවුද වැරදි? මෙයම ගැටළුවක්.
දේශනය ඉදිරියට ගලා ගියේ ය. මමද සෙවිල්ලෙන් එය අසාගෙන ඉන්න අතරතුර අපූරු යමක් කියැවුණු බව මට මතකයි. ඒ තමයි සංස්කෘතිය මත එය වෙනස් වෙන්න පුළුවන් කියන එක. ඒ අනුව වඩාත්ම සුදුසු ක්‍රම පිළිවෙත සුදුසු වර්ණය පිළිබඳ යම් තරමක එකඟතාවයකට පැමිණි බවක් වැටහුණා. ඒ තමයි සුදු කමිසයක් කළු කලිසමක් ටයි එකක් සහ කෝට් එකක් වඩාත්ම සුදුසුයි කියන එක. බටහිර පාලනයට අනුව මේ ඇඳුම යම් ආකාරයක පිළිගැනීමක් පවතින ඇඳුමක්. රැකියාවකට යන්න සම්මුඛ පරීක්ෂණයකට ඉදිරිපත් වෙද්දී එය වඩාත් සුදුසුයි. එහෙමයි කියලා හැම තැනකටම එය සුදුසු වෙන්නෙත් නැහැ. ඔන්න අයෙමත් මගේ ඔලුව නිකන් විකාර වගේ වුණා. ඇත්තනේ සම්මුඛ පරීක්ෂණයකට යද්දී එයට ගැලපෙන ස්වරූපයකින් සහභාගී වීම ඉතා වටිනවා.
කතාව ඇත්ත. එයින් තීරණය වන්නේ තමන්ගේ පෞර්ෂය. පෞර්ෂය උපරිමයට ගිහින් විකාර රූපී ඇඳුම් භාවිතයක් නම් සිදු කරන්න එපා. එතකොට වෙන්නෙත් පත නරියෙක් වෙන එක. ඒ වගේම තමයි තමන් සම්මුඛ පරීක්ෂණයකට යන ආයතනය පිළිබඳව හොඳ අවබෝධයක් තබාගෙන යනවා නම් එය තමන්ට මහා ලොකු ආශීර්වාදයක්. කොණ්ඩය වුනත් පපිළිවෙලකට සකසාගෙන යනවා නම් හෙට ඉඳන් වැඩට එන්න කියලා බය නැතිව ඔබව පරික්ෂාවට ලක් කරන ය කියයි. ඒ නිසා තමන්ට ගෞරවයක් තමන්ම ලබා දෙන්න. ලස්සනට ඉන්න. ජය වේවා
BA (SP) in Mass Media,
Dip in Communication and Journalism,
