"දන්ඩේ ලූ ගිනි"

"දන්ඩේ ලූ ගිනි"තිලක් ජයරත්න ශ්‍රී ලංකාව මෙතෙක් ගෙවූ ඉතිහාසය තුළ විවිධ යරත්විජිත ආක්‍රමණවලට නතුවිය. ඉතිහාසය තුල සඳහන්වන පරිදි අනුරාධපුර පොළොන්නරු ආදී ඉතිහාසය තුළ විවිධ ආක්‍රමණිකයන්ගේ මෙරට බේරාගැනීමට ගත් උත්සාහයන් පිලිබඳ තතු අප ඉතිහාසය තුලින් කියවා ඇත්තෙමු. එසේම මෑත කාලීන ඉතිහාසය තුළ පෘතුගීසි, ලන්දේසි, ඉංග්‍රීසි ආදී ආක්‍රමණික බලපෑම්වලට මෙරට යටත් විය. මෙම ආක්‍රමණිකයන්ට එරෙහිව සිය රට වෙනුවෙන් රට බේරාගැනීමේ යුතුකම ඉටුකිරීමට කැපවුණු පිරිසක් ද සිටියහ. එලෙස රට බේරාගැනීමට උත්සාහ කළ පිරිස අතර ප්‍රධාන පෙළේ දේශපාලන නායකයින්ද එතරම් ප්‍රසිද්ධියක් නොමැති දේශපාලන චරිතද උත්සහ කල බවද ප්‍රකාශ කලයුතු ය. එසේ නොවුනහොත් එය ඔවුනට කරන අසාධාරණයකි. කෙසේ වුවද මෙම සියලුම පිරිස්වල ශක්තියෙන් හෝ අඩුවැඩි වශයෙන් සිදු වූ ක්‍රියාකාරිත්වයන් නිදහස ලබාගැනීම උදෙසා ඉවහල් විය. එය ශ්‍රී ලංකාව යටත් විජිත භාවයෙන් මෙදෙන්නට ඉවහල් විය. එම උත්සාහයන් අතර සිය අභිලාශයන් ඉටුකරගැනීමේ පටු අරමුණු සහිත වුවන්ද නොසිටියම නොවේ. එය ස්වභාවික ක්‍රියාකාරිත්වයකි. කෙසේ වුවද මෑත ඉතිහාසය තුළ මෙරට ධරුණු ලෙස යටත්විජිතකරණයට ලක්වූයේ ඉංග්‍රීසි පාලන සමයේ දීය.එම කාලය සමාජීය වශයෙන් මෙරට පමණක් නොව සමස්ත ලෝකයටම පිළලයක් විය. මෙම ක්‍රියාකාරීත්වයෙන්ගේ ප්‍රතිපලයක් ලෙස වත්මන විට එම යටත්විජිතකරණයේ හොල්මන් කරමින් පවතී. එහි සාධනීය ලක්ෂණ මෙන්ම නිශේධනීය ලක්ෂණ ද නැතුවාම නොවේ. 1948 වසරේ දී මෙරට ඩොමිනියන් තත්ත්වයේ නිදහස හෝ ලැබීමට හැකිවුයේ විශාල ප්‍රයත්නයක ප්‍රතිපලයක් ලෙසය. කවුරුන් කුමන දේ පැවසුවද එවැනි හෝ නිදහසක් ලැබීම වෙනුවෙන් ලේ හෙලූ දිවි පිදූ ජිවිත අපමණය. 1948 වසරට පෙර එනම් 1924 මැනින් ඩෙවොන්ෂර් සඳු ක්‍රමය ආදී ආණ්ඩුක්‍රම තුළ මෙරට ජනතාව තව තවත් පීඩනය පත් විය. මෙම ආණ්ඩුක්‍රම ප්‍රතිසංස්කරණ පාට තැවරූ තිරුවානා ගල් මැණික් ලෙස ප්‍රදර්ශනය කරන්නාක් වැනි ලෙස පැවතිණි. එහි ඇත්තේ ඇත්ත මැණිකද? බොරු මැණිකද යන්න විමසිය නොහැක. ඊට ජනතාවට අයිතියක් නොතිබිණි. මෙම ක්‍රියාකාරිත්වයන් මැඩලීමට හ විරුද්ධ වීමට උත්සහ ගත පිරිසක් මෙන්ම යටත්විජිතයන්ට ගැතිකම් කළ කොටස්ද මෙරට තුළම සිටියෝය. බටහිර ලෝකයෙන් මෙරටට පිවිසෙන ප්‍රජාතන්ත්‍රවාදී පාලන ආකල්ප තුළ පවතින තරගකාරී ක්‍රියාකාරිත්වයන් මෙන්ම එකිනෙකා පරයන මානව ක්‍රියාකාරිත්වයන්ට විරුද්ධව එම කාලය තුලම එම රටවල් වලින්ද විරුද්ධත්වයක් බිහිවිය. සමාජවාදී දර්ශනයන් තුලින් උද්විපනය ලද එම අදහස් මාලාවන් ද කාර්මික විප්ලවයන් තුලින් බිහිවූ පීඩිත කාර්මික පංතිය පිරිස්ද එම ආකල්ප වැළඳ ගත්හ. මෙම බලපෑම් සහගත ක්‍රියාවලිය බටහිර රටවල ක්‍රියාත්මකවන සමයේදීම මෙරට මධ්‍යමපාන්තික දෙමව්පියන්ගේ දරුවන් බ්‍රිතාන්‍ය වැනි රටවලට අධ්‍යාපනය සඳහා පිටත් විය. එම තත්ත්වය මත උගත් බුද්ධිමත් මධ්‍යම පන්තියක පිරිසක් බිහි විය. ඒ අනුව එම පිරිස වටා රොක්වූ ලංකේය පිරිසක්ද නිර්මාණය විය. මෙම උගත් පිරිස අතර ලිබරල්වාදී මත ධරණ පාර්ශවයක් ද වාමාංශික පාර්ශවයක්ද නිර්මාණය විය. මෙම සියලුම ක්‍රියාකාරිත්වයන් අඩු වැඩි වශයෙන් නිදහස ලබා ගැනීම උදෙසා ඉවහල් විය. මෙරට තුල විවිධ දේශපාලනික මත නිර්මාණය වීමටද යටත් විජිත සාමය තුල පැවතී විවිධ දේශපාලනික මත ඉවහල් විය. මෙලෙස සිදුවූවීම් සමුදාය සුළු පටු කරුණක් නොවිය. ඇතැම් වාමාංශික මත දැරූ දේශපාලන නායකයින් සිරගතකිරීම්වලට ද ලක් විය. තවත් පිරිසක් ඉන්දියාව වැනි රටවලටපැන ගියෝය. එම රටවල සිටි බ්‍රිතාන්‍ය ආණ්ඩුකාරවරුන් නැවතත් එම පිරිස් දේශපාලන සිරකරුවන් ලෙස මෙරටට එවූ අවස්ථාද පැවතුණි. එමෙන්ම එවැනි අවස්ථවලදිඅහිමි වූ ජීවිත ලේඛනගතව නොමැති අවස්ථාද පවතින බව නොරහසකි. එම ජිවිත අහිමි කිරීම් අතරට පුද්ගලික කොන්තරද පැවතීමද සිදුනොවුනම නොවේ.මෙලෙස ගෙවූ ඉතිහාසයක් පදනම් කොටගෙන ටෙලිනාට්‍ය පිටපතක් රචනා කිරීමට ප්‍රතිභාපුර්ණ අතිදක්ෂයෙකු වූ තිලක් ජයරත්නයන් සමත්වී ඇත. ගුවන්විදුලි සංස්ථාවේ පිටපත් රචකයෙකු ලෙසද සේවය කළ මෙතුමන් තත්කාලීනව පැවති ඉතිහාසයට පෙර පවතී ඉතිහාසය නැවත ටෙලිනාට්‍යක් ලෙස ජනගත කිරීමට උත්සාහ ගෙන ඇත. එම යතනයේ ප්‍රතිපලයක් ලෙස “දන්ඩේ ලූ ගිනි” නම් නිර්මාණය බිහිකළේය. “දන්ඩේ ලූ ගිනි” ටෙලිනාට්‍ය පිටපත ආරම්භ වන්නේ උතිස්ස නම් පුද්ගලයෙකු උපයෝගී කොටගෙන ය. මෙම උපතිස්ස නම් පුද්ගලයා දේශපාලනික වශයෙන් වාමාංශික අදහස් දරන තරුණයෙකි. මොහු කලක් ඉතාමත් ක්‍රියාකාරී ලෙස ශ්‍රී ලංකේය දේශපාලනයට සම්බන්ධ විය. එහෙත් කාලයත් සමග මෙම වාමාංශික දේශපාලන ක්‍රියාවලිය නොසිතු ආකාරයෙන් දේශපාලනය තුලින් යටපත් වන්නට විය. සියලු දේශපාලන මත අභිබවා ලිබරල් දේශපාලනයේ විවිධ පැතිකඩයන් ඉස්මතු වන්නට විය. එය වර්තාපනය තුලද එලෙසම ක්‍රියාත්මක වන අතර අනාගතයේදීත් එලෙසෙම සිදුවන්නේය. තිලක් ජයරත්න සිය ප්‍රස්තුතය සමාජ ගතකිරීමට ඉතාමත් ආකර්ශනිය ප්‍රයෝගයක් භාවිතාකරයි. එනම් වර්තමානය ලෙස ගෙවෙන අදාල කල පරාසය තුළ දර්ශනය ක්‍රියාත්මක වන අතරතුරම අතීතය සිහිපත් කිරීමය. එම අතීතය දර්ශන තල භාවිතයෙන් ප්‍රදර්ශනය කිරීමට උචිත ආකාරයෙන් පිටපත් රචනා කිරීමට තිලක් ජයරත්න සමත් වි ඇත. මෙමගින් ප්‍රේක්ෂකයා තුළ තිතය මෙලෙස පවතින්නට ඇති යැයි යන අදහස ලබාදේ. ප්ලේටෝ ප්‍රකාශකරන ආකාරයට මිනිසා අමරණීයත්වයට පත්වීමට අනවතර ආශාවක නිමග්න වී සිටි. එම අදහසට අනුව නැවතත් අතීතය වෙත ගමන් කිරීමට මිනිසා සතුව ආශාවක් පවතින බවට තාර්කිකව නිගමනයක් ලබාගත හැක. ඒ අනුව මිනිසා පියවි සිහියෙන් තොරව අතීත රූප රාමු හ නිමග්න වේ. එමගින් කතාකරු බලාපොරොත්තු වන සමාජමය පැහැදිලි කිරීම් ඉතාමත් සාර්ථක ලෙස සමාජ ගතකිරීමට හැකියාව ලැබී ඇත. එකිනෙකට වෙනස් කල රාමු දෙකක් නිර්මාණය කිරීම මගින් ප්‍රේක්ෂකයා නිර්මාණය තුල පවත්වා ගැනීමට බාධාවක් වන ඒකාකාරිත්වය ඉවත්වී යයි. එබැවින් ප්‍රේක්ෂකයාව අදාළ ටෙලිනාට්‍ය වෙත ඇදබැඳ තබාගැනීමට උත්සහ කරයි. මෙය ඉතාමත් සාධනීය ලක්ෂණයකි. එමෙන්ම එය තිලක් ජයරත්න භාවිතාකළ උපක්‍රමයකි. ඔහු එය හිතාමතා හෝ අවිඥානිකව සිදුකොට ඇත. අදාළ ප්‍රස්තුතය ජනගතකිරීමට එම උපක්‍රමය ඉතාම සාර්ථක පිළියමකි. මුළුමහත් පිටපත් පුරාවටම මෙම ලක්ෂණය අතර්ගතකොට තිබීමද ඉතාමත් සාර්ථක උපක්‍රමයකි. එමගින් ප්‍රේක්ෂකයාද අවිඥානිකවම නිර්මාණයේ කොටස්කරුවෙකු අවට පත්වේ. පිටපත් රචකයා සිය කතාව ගෙත්තම් කිරීමට 1948 වසරට පෙර යුගයෙන් මෙන්ම ඉන් පසු යුගවල දේශපාලන අරගල පිළිබඳව විස්තර ගෙන එයි. එය ජනතාව තුල පවතින අවේගකාරී සිතිවිලි උත්සන්න වන අතර එම දර්ශනයයන් නැරඹීමට යටි සිතෙහි පවතින ආශාව උපයෝගී කරගනී. ජනතාව අතීතයේ මෙවැනි උත්සාහයන් දැරූ බවට පවතින සාධක දර්ශනය වන දර්ශන තලතුලට ගෙන ඒමට තිලක් සමත්වී ඇත. එවකට තත්කාලයට පෙර පවතී ඉලක්ක ගත අතීතය තුළ වරයා සේවක සංගමය විසින් සත 25 ක වැටුප් වර්ධකයක් උදෙසා ක්‍රියාත්මක කළ වැඩවර්ජනය දර්ශන තුලට ගෙන ඒමට කතාකරු උත්සහ කරයි. මෙවනි අවස්ථා කිහිපයක්ම පිටපත තුල අන්තර්ගතය. වැඩවර්ජනයෙන් හිස්වුණු රැකියා පිරවීමට “විලියම්” නම් වෙළඳ ව්‍යාපාරිකයෙකු විසින් වත්තල ප්‍රදේශයෙන් සේවකයන් පිරිසක් ලබා දීම සිදුකරයි. එලෙස සිදුකරන්නේ ව්‍යාපාරික පදනමක් මතය. කෙසේ වෙතත් වාමාංශික මතධාරී වර්ජක පිරිස මෙම විලියම් නමැති පුද්ගලයාට පහරදීමක් සිදුකරයි. මෙය ඉතාමත් ප්‍රබල ක්‍රියාවලියකි. එවකට පවතින ආණ්ඩුවට විරුද්ධ වීමත් සිය දරු දැරියන්ට අහිතකර බව විලියම් දනී. එම පාර්ශවයෙන් විලියන්ම් පිඩනයට පත්වේ. එමෙන්ම වර්ජකයන්ගෙන්ද විලියම් පිඩාවට පත්වේ. මවැනි සිදුවීමවල පවතින අවිනිශ්චිත ස්වාභයවය ඉතාමත් සාර්ථක ලෙස පිටපතවෙතට ගෙන ඒමට ජයරත්නයන් සමත් වී ඇත. මෙවැනි ප්‍රශ්න සර්ව කාලීන නිසා ඕනෑම ජනතාවක් ඉතාම ඉක්මනින් මෙවැනි ප්‍රශ්න පිළිබඳව අවධානය යොමු කරයි. කතාව ගොඩනගමින එන අතරතුර තිලක් ලිංගිකත්වයද ප්‍රදර්ශනය කිරීමට උත්සහ ගෙන ඇත. එය හුදු ලිංගික ක්‍රියාවලියක් නොව එතුල පවතිනුයේ බලය පදනම් කරගත් දේශපාලනික ප්‍රපංචයකි. ජිනාදරී නම් විශ්වවිද්‍යාල සිසුවිය පාලුවෙන් පිරුණු මාවතක් දෙගේ ගොස් උපතිස්ස නම් තරුණයා සිටින නිවසට පිවිසෙයි. උපතිස්ස උඩුමහලේ සිට ජිනාදරී දෙස බලාගෙන සිටී. එහිදී නිවසේ පවතින පඩිපෙළ ඔස්සේ උපතිස්ස නම් තරුණයා වෙත ගමන්ගන්නා ජිනාදරීගේ අත වේගයෙන් පඩිපෙළ දිගේ පහළට බසින උපතිස්ස විසින් අල්ලා ගනී. එම පිම්මට නැවතත් පඩිපෙළ ඉහලට නගින උපතිස්ස සහ ජිනාදරී උපතිස්සගේ කාමරයට පිවිසෙයි. එහෙඉදී සිය සයනය මතට ජිනදරිව තල්ලු තල්ලු කිරීම උපතිස්ස විසින් සිදුකරයි. එම අවස්ථාවේ ජිනාදරී ඇත මෙතෙක් වෙලා පවතී පොත් මිටිය සිය තුරුලේන් විසිරී තැන තැන පතිතවේ. මෙම දර්ශන පෙළ ඉතාමත් අලංකාර ලෙස රචනා කිරීමට ජයරත්නයන් සමත් වි ඇත. අදාල ප්‍රස්තුතය ජනගතකිරීමට ඔහුගේ භාෂා භාවිතයද ඉතාමත් සාර්ථක ලෙස සමත්වී ඇත. 56 කල්ලිවාදී ක්‍රියාකාරිත්වයන් පිටපතේ සඳහන් අතීත කාලය තුළ ඉතාමත් දැඩිව ක්‍රියාත්මක විය. එමෙන්ම සමාජශීලි මිනිසාද කෙසේ හෝ යම් පාර්ශවයකට නැඹුරුතාවයක් දක්වයි. නබුරුතා මට්ටම ඇතැම්විටෙක වෙනස් වීමට හැකියාව පවතී. මෙම මනෝභාවය ඉතාමත් සූර ලෙස තිලක් උපයෝගී කරගැනී. පවතින දේශපාලන තත්ත්වය පිළිබඳවත් ඉදිරි දේශපාලන සලසුන් පිළිබඳවත් තරමක් ඉච්ඡාභංගත්වයෙන් යුක්තව පිරිසක් සාකච්චා කරමින් සිටී. එම පිරිස අතර මෙල්වින්, කෝබට්, රෙන්ගා, රේමන්ඩ්, කරුණාදාස , මුතුක්‍රිශ්න ආදී සගයන් ඔවුන් අතර සිටී. මොවුන් එකිනෙකට ආමන්ත්‍රණය කරනුයේ “සහෝදරයා” යන විශේෂිත වචනය භාවිතකරමිනි. උප සංස්කෘති සතු ඇතැම් වචන සමාජගත කිරීමට ජයරත්නයන් උත්සහගෙන ඇත. ප්‍රේක්ෂකයන් එම සංස්කෘති තුල සිදුවන්නේ මොනවද යන්න පිලිබඳව කිතුහලයෙන් සිටී. එම කුතුහලය ඉතාමත් සාර්ථක ලෙස කතාකරු සිය නිර්මාණයට උපයෝගී කොටගෙන ඇත.101 නිර්මාණයක් සමාජ ගතවීමට නම් එය පිළිබඳව විශ්වාසයක් ජනතාව සතුව පැවතිය යුතුය. ඒ සඳහා වටපිටාවක් නිර්මාණ කිරීම ඉතාමත් අසීරු කටයුක්තකි. ඒ සඳහා මන දැනුමක් පිරපත් රචකය්ර්කු සතුව පැවතිය යුතුය. ජයරත්නයන් සිය පිටපත වෙත “සෝල්බරි සාමි” ඇතුළු එවකට ඉංග්‍රීසි ආණ්ඩුව තුල සේවය කළ විධායක බලය හිමි බොහෝ පිරිසකගේ චරිත ගෙනඑයි. එවකට පැවති ආණ්ඩුවට විරුද්ධ මත ධරණ පිරිස මෙම දර්ශන වලන්දගන්නේ ක්‍රොදයකින් යුතුවය. එසේම ආණ්ඩුවට කැමති පිරිස එය නැරඹනු ලබන්නේ මාන්නක්කාරකමින් යුතුව ය. එමගින් කිසිදු පිරිසක් සිය නිර්මාණයෙන් නොගිලිහේ. එයද ඉතාමත් සාර්ථක උපක්‍රමයකි. සෝල්බරි ඉන්න එක. පිටපතට අනුව වර්තමානය යැයි පවසන කාලය තුළ ජාති, කුළ, ආගම භේදයන් පිළිබඳව විවරණයක් සිදුකිරීමට ජයරත්නයන් උත්සාහ ගෙන ඇත. මෙය සමාජීය ගැටලුවකි. උපතිස්ස නම් තරුණයාගේ පියා දමිළ ජාතිකයෙකි. මව සිංහල ජාතිකයෙකි. ජිනාදරී නම් තරුණියට උපතිස්ස නම් තරුණයාගේ පවුල් පසුබිමෙන් කිසිදු ප්‍රයෝජනයක් නොමැත. දෙදෙනා එකිනෙකට ප්‍රේම කරන බව සැබෑවකි. එහෙත් සමාජය විසින් ගොඩනග තිබෙන බැමි එයට යම් බාධාවක් වේවි යන මග ලකුණ ඉතාමත් සාර්ථක ලෙස ජයරත්නයන් ස්ථාපනය කරයි. 103. පිටපත පුරාවටම ඉතාමත් සාර්ථක ලෙස මෙරට තුළ එවකට ක්‍රියාත්මක වුණු බලවේග පිළිබඳව ප්‍රදර්ශනය කරයි. එමගින් ප්‍රස්තුතගත කරුණ උදෙසා ඒ සියලුම බලවේගයන්ගේ නියෝජනයන් ප්‍රදර්ශනය කිරීමට ජයරත්නයන් සමත්වී ඇත. එනම් ඔහු ඉතාමත් දක්ෂ ලෙස සාමජිය වටපිටාව විදහා දැක්වීමට සමත්වී ඇත.

  අනුරුද්ධ සේනාධිලංකාර 

151 මුලාශ්‍ර ජයරත්න තිලක්, දන්ඩේ ලූ ගිනි , 2008, ෆාස්ට් ප්‍රින්ටරි (pvt) ලිමිටඩ්,කොළඹ 10 

“ආගමික විඥාණයේ වත්මන් ප්‍රවණතා” ආගමක් යනු කුමක්ද යන්න සම්බන්ධව නිශ්චීත නිර්වචනයක් මෙතෙක් ඉදිරිපත් වී නොමැත. එහෙත් ආගමක් යනු කුමක්ද යන්න හඳුන්වා දීමට ලොවපුරා බොහෝ දෙනෙකු උත්සහා දරා ඇත. ප්‍රේසර් නම් පඬිතුමා පෙන්වාදෙන ආකාරයට “ ආගම යන්නෙන් ස්වභාවධර්මය හා මිනිස් ජීවිතය හසුරුවා පාලනය කරතැයි විශ්වසකරනු ලබන්න වූද මිනිසාට වඩා උත්තරීතර වූද බලයක් තමා කෙරෙහි පහදවා ගැනීම” ආගමක් ලෙස සැලකේ.

 කෙසේ වෙතත් ලෞකික මෙන්ම අධ්‍යාත්ක දියුණුව සාක්ෂාත් කරගැනීමට නිර්මාණය කරගත් සංවිධිත ඒකකයක් ආගමක් ලෙස හැඳින්විය හැක. මෙහි නිර්මාණකරුවන් වනුයේ මිනිසා ය. මෙම මතයට විරුද්ධව නැගෙන කොතෙකුත් තර්ක පැවතුනද තාර්කික අයුරින් විමසු කල මෙය සනාත කල හැකිය. ආගමික ප්‍රපංචය තුළ වචන, රූප, සංකේත, කතාන්තර ආදී බොහෝ දෑ සමන්විත ය. ආගමික විඥානය ගොඩනැගී ඇත්තේ මෙවන් මත සමුදයකිනි. ඇතැම් පිරිස් අගමික් මතයන් මහත් උනන්දුවෙන් විශ්වාස කරන අතර තවත් පිරිසක් ඉතාමත් නිර්ධය ලෙස ආගමික විශ්වාසයන් බැහැරකරති. මෙම අන්ත ද්විත්වය අතර අතරමංව කිසිවක් කරකියාගත නොහැකි ගන්දබ්බ විලාශයේ පිරිසක්ද ජිවත්වන බව අමිහිරි සත්‍යකි. ආගමික විඥානයේ වර්ථමාන පසුබිම විමර්ශනයට පෙර ආගමික විඥානයේ අතීත පසුබිම කෙටියෙන් වුවද විමසීම කල යුතුබව මම සිතමි. මන්ද යත් ඉහත මා සඳහන් කළ කුමන හෝ කොටසක කැමැත්තෙන් හෝ අකමැත්තෙන් අපද සාමාජිකයන් බැවිණි. මිනිසා නිරන්තරයෙන්ම කෘත්‍රිම ලෝකයක් නිර්මාණය කිරීමට උත්සාහ ගනී. එසේ නිර්මාණ නොකළහොත මිනිසාට පැවැත්ම සම්බන්ධ ගැටළුවක් නිර්මාණය වේ. පැවැත්ම සම්බන්ධ ගැටළුව යම් හෙයකින් විසඳුනද මානවයා වෙත ලැබී ඇති පරිකල්පන ශක්තියන් අනෙත් සත්වයින්ට වඩා ඉහල හෙයින් මානවයා සිය සුඛවිහරණය උදෙසා අවශ්‍ය කරන නව නිර්මාණ බිහිනොකරන්නේද නැත. කෙසේවෙතත් මානවයා යනු ගතික සත්වයෙකි. සහජයෙන් උරුම වන බුද්ධි ප්‍රමාණයට වඩා වැඩියමක් මානවයා විසින් අත්පත්කරගනී. මිනිසා සිය සැබෑ තත්වත්යෙන් ඈත්වීම තුළ ආගමික විඥානයට යොමු වීම දැකගත හැක. එදිනෙදා ජීවිතයේදී පවත්වන මානව සම්බන්ධතා තුළින් හෝ වෙනයම් කරුණක් නිසා හෝ ඇතිවන ප්‍රශ්නවලට විසඳුම් එම ක්‍රියාවලිය තුළින් නොලැබෙන විට අදෘශ්‍යමාන බලවේගවල ආදාරයෙන් එම ප්‍රශ්න විසඳා ගැනීමට උත්සාහ කරනු ලබයි. ඒම ක්‍රියාමාර්ග හරහා ප්‍රතිඵලයක් එම පුද්ගලයන් සිතනුයේ ඉතාම සුළු තුවාලයක් වුවද සිය විරුද්ධවාදීන්ට සිදුවූයේ තමා විශ්වාස කරන අදෘශ්‍ය මාන බලවේගයේ පිහිට මත බව ය. JOSTEIN JAARDER ප්‍රකාශ කරන ආකාරයට ක්‍රිස්තියානි ආගම නෝවේ රාජ්‍යට පැමිණීමට පෙර එරට ජනතාව තෝර් නම් දෙවියෙකු ඇදහී ය. එළුවන් දෙදෙනෙකු ඇදගෙන යන කරත්තයකින් තෝර් දෙවියන් ගමන් කරනු ලබයි. එම ගමන අතරතුර තොරදෙවියන් සතුව පවතින කුළුගෙඩිය එහෙමෙහෙ චලනය කරනු ලබයි. එමගින් ගෙරවීම අකුණු ගැසීම සිදුවන බව මොවුහු විශ්වාස කළහ. නොවෙජියන් බසින් -ගොරවනවා- යන්නට භාවිතාකරනුයේ “තෝර්-ඩන්” යන වචනයයි. එහි අරුත තොර්ගේ ගෙරවිල්ල යන්නයි. වර්ෂාව මෙහි ජිවත්වන වයිකින් ගොවිට අවශ්‍ය විය. නියඟ කාලයක් පැමිණි විට මෙම දෙවියන් යැදීම සිදුකළහ. මෙය එක්තරා ජනප්‍රවාදයකි. ඉහත කතාපුවත් නිර්මාණය කළ නිශ්චිත පුද්ගලයෙකු නොමැත. යම් දෙවි කෙනෙකුන් සම්බන්ධව ගෙතුණු කතාද වෙනස් ය. ආගම සම්බන්ධ ප්‍රශ්න කිරීම් ආගම විසින්ම එය පවක් ලෙස සලකා බැහැර කරන ලදී. ඇතැම් විටෙක එවැනි ප්‍රශ්නකිරීම් වලට ලද ත්‍යාගය කිරිරු මරණයි. තමා ජිවත් වන පරිසරය තේරුම් ගැනීමේ කුතුහලයෙන් ජිවත් වූ ආදී මානවයින් පාරිසරික සිදුවීම් සිදුවන්නේ කුමන හේතුවක් මතද යන්න සෙවී ය. මෙම සිදුවීම සමුදාය ගැටළුවක් බවට පත්විය. එතෙක් පවති දැනුම එම ගැටළු විසඳා ගැනීමට ප්‍රමාණවත් නොවිය. ක්‍රමයෙන් සිය වර්ගයා වැඩිවෙත්ම කුඩා දරුවන් ප්‍රශ්න ඇසුහ. ඊට පිළිතුරු ලබා දීම වැනි අවස්ථා අරමුණුකොටගෙන කතා කලාවක් ගොඩනැගිණි. එමන්ම දඩයම් කිරීමට යාමේදී ඇතිවන බිය සැකය ආදිය මැඩපවත්වා ගැනීමටත් තමන්ට ශක්තිය ලබා ගැනීමටත් මහා වනයට වන්දනා කරන ආකාරය බාල පරපුර වෙත කියාදීමට වැඩිහිටියන් පෙළඹිණි. මහා වර්ෂා ඇදහැලෙන්නේ කුමන හේතුවක් මතද යන්න වටහා ගැනීමට තරම් ශක්තියක් ඔවුනට නොවුහ. නව දැනුම සොයා යාමට හෝ පවතින දැනුම ප්‍රශ්න කිරීමට එම කාලසීමාව වනවිට හැකියාව නොතිබිණි. එහෙත් යම් යම් ආකාරයේ උත්සාහයන් දැරූ බවට සාක්ෂි නැතුවාම නොවේ. පරිසරයේ පවතින යම් යම් ශබ්ධ වලට අනුරුප ශබ්ධ යොදාගනිමින් විවිධ වචන මාලාවන් රිද්මයක් ඇතිව පෙළගස්වා ගැනීමට එම මානවයන් පුරුදු විය. එම කාර්යය සිදුකිරීමට සියලු දෙනාටම හැකියාව නොතිබිණි. විශේෂයෙන්ම තරමක නිරමනාත්මක හැකියාවක් පවතින හා පරිසරයට සංවේදී වූ කොටස් මෙම ක්‍රියාවලිය තුළ කටයුතු කළෝය. එදිනෙදා මෙම මානවයන් සිය අදහස් හුවමාරු කරගැනීමට භාවිත කළ භාෂාවට වැඩ මෙම අමුතු ගීතවත් භාෂාව වෙනස් විය. එම ගීතවත් භාෂාව “මන්ත්‍ර” ලෙස හැඳින්විය හැකි ය. කාලය ගතවෙත්ම මෙම ක්‍රියාවලින් තුලින් පිහිටක් ලබාගැනීමට හැකියාව පවතින බව එම මානයන් විශ්වාස කළෝය. මෙම විශ්වාසයන් එක් එක් භුවිෂමතාවයන් අනුව වෙනස් විය. මෙම විශ්වාසයන්ට අදාළ වර්ණ පවා භාවිතයට ගැනීමට ඔවුහු පෙළඹුණහ. එම වර්ණද භූවිෂමතා අනුව වෙනස් විය. එලෙසම බිහි වූ ආගමද විවිධාකාර විය. ඇතැම් ආගම ඉතාමත් කුරිරු වූ අතර ඇතැම් ආගම වඩාත් සාමකාමී විමෙලෙස බිහිවූ ය. මෙලෙස බිහි වූ ආගම දහස් ගණන් ලෝකය පුරා ක්‍රියාත්මක වේ. ආගම නිර්මාණය වීම කිසිවෙකුටත් වැලැක්විය නොහැක. එමෙන්ම ආගම් විනාශ වී යාමද සංශෝධනය වීමද ස්වභාවික ක්‍රියාවලියකි. ආගම අදහන්නා අනුන්ගෙන් ණයට ගත් දැනුමෙන් මුලාවීය. කෙසේ වෙතත් යම් දෙයක් ඇදහීමට පටන්ගත් දින සිට ආගමක් නිර්මාණය විය. ජේසුතුමන් දේශනාකළ අදහස් මාලාව ඇදහීම නම් වූ ක්‍රියාවලිය සිදු වූ අවස්ථාවේ එම අදහස් මාලාව ආගමක් බවට පත්විය. එමෙන්ම එම අදහස් මාලාව ක්‍රිස්තු ධර්මය බවට පත්විය. ගෞතම බුදුහිමියන් ඉදිරිපත් කළ අදහස්මාලාව ඇදහූ පසු එම අදහස් මාලාව බුදු දහම විය. ඉස්ලම් දහමද මෙසේය. චීනයේ කොන්ෆියුසස්තුමන් ඉදිරිපත් කළ අදහස් ද පසුකාලීනව දහමක් බවට පත් විය. මෙම ධර්මයන් කොන්දේසි විරහිතව පිළිපැදීම ඇදහීම නම් වේ. මුද්‍රණ තාක්ෂණය ක්‍රමානුකුලව නොපැවතී කාල වකවානු තුළ මෙම ධර්මයන් මුඛ පරම්පරාගතව අරක්ෂාවිය. එහෙත් එම දහම ඒ අයුරින්ම ආරක්ෂා වූවද යන්න ගැටළුවකි. ඇතැම් දහම් කරුණු ඉතාමත් ගැඹුරු ඒවාය. එවැනි දහම් කරුණු සුරක්ෂිත කිරීමට ගත උත්සායන් කිහිපයක් බෞද්ධ ඉහිතසය තුළ දැකගතහැකි ය. එම සන්ධිස්ථාන ධර්ම සංගායන ලෙස හැඳින්විය හැකි ය. ඒ අතරින් ත්‍රිපිටකය ග්‍රන්ථාරූඪ කිරීම වැදගත් අවස්ථාවකි. එමෙන්ම ශුද්ධ වූ කුරාණය, ශුද්ධ වූ බයිබලය වැනි කෘති රචනා වීම ඉතාමත් වැදගත් අවස්ථා ය. මානව පරිනාමයේ යම් දිනෙක ආගමික විඥානය පිළිබඳව දැඩි ලෙස ප්‍රශ්න කිරීමක් සිදුවීමට අතිශයින් ඉඩකඩ පවතී. එය සිදුවනුයේ පවතින තාක්ෂණය උපයෝගී කරගනිමින් ආගමික විශ්වාසයන් පරික්ෂා කිරීම හා පුළුල් ලෙස හා තාර්කිකව විමර්ශනය කිරීම මතය. ආගමික විඥානයක් බිහිවීමට බලපාන සාධක ආර්ථික සාධකය කාල් මාක්ස් ප්‍රකාශකළ ආකාරයට ආර්ථික සධකා මත සියල්ල රඳා පවතී. ඔහු ආර්ථික සාධකය අධෝව්‍යුහය ලෙස ගෙන ඇති අතර උපරිව්‍යුහය මත අනෙකුත් සාධක සියල්ල ගොනුකොට ඇත. උපරි ව්‍යුහයට අයත් සාධක අතර ඉතාමත් ජනප්‍රිය සාධකයක් ලෙස ආගමික සාධකය නම්කිරීමේ හැකියාව පවතී. යම් සමාජ පරිසරයක් සතුව පවතින ආගමික විඥානය තීරණය වීමට ආර්ථිකය බලපාන බව මේ හරහා ලබාගත හැකි ගම්‍යක් වේ. නිදසුන් ලෙස ආර්ථිකය ඉතාමත් යහපත් මිනිසුන්හට පින්කම් කිරීමට හැකියාව ඉතාමත් ඉහළ ලෙස පවතී. එය ආර්ථිකය හීන මට්ටමක පවතින පිරිසකට කිරීමට ඉතාමත් අපහසුය. ඒ අනුව පොහොසත් මිනිසුන්ට ආමිස පුජා ඉතාමත් හොඳින් කල හැකි අතර ආර්ථික අතින් දුබල පිරිසට ප්‍රතිපත්ති පූජා හොඳින් ඉටුකිරීමේ හැකියාව පවතී. සමාජීය සාධකය තමා ජිවත්වන සමාජය ආගමික විඥානය තීරණය වීමට බලපාන සාධකයකි. එම සමාජය ආගමික අංශයට වඩාත් නැඹුරුවක් දක්වනවානම් එම සමාජය තුල පවතින ආගමින විඥානය පිළිබඳව පවතින දැනුම් ඉතාමත් ඉහල අගයක් ගනී. එහෙත් එමසමාජය තුළ ආගමික අංශය වෙත නැඹුරුවක් නොමැතිනම් එම සමාජය සතුව ආගමික විඥානය පිළිබඳ සතු දැනුම ඉතාමත් අවම අගයක් ගනී. එහෙත් එම සමාජය තුළ යම් හෙයකින් හෝ ආගමික සංස්ථාවක් කුමන ප්‍රමාණයෙන් පැවතියද සමාජය පිළිබඳ කතිකාවතක් ගොඩනැගීමේ හැකියාව එම සංස්ථාවට පවතී. මන්ද යත් ඕනෑම ආගමකට ලොව සිදුවන ඕනෑම දෙයක් කුමන ආකාරයකින් හෝ සිය දහමට අදාළව නිදසුන් ගතකල හැකි බැවිණි. දේශපාලනමය සාධකය යම් රටක් තුළපවතින් දේශපාලනික වටපිටාව ආගමික විඥානය නිර්මාණය වීමට බලපාන තවත් සාධකයකි. එමෙන්ම ආගමික විඥානය ද දේශපාලනමය වටපිටාව තීරණය වීමට බලපාන අවස්ථා ද පවතී. විශේෂයෙන්ම සෞදි අරාබි රාජ්‍ය තුළ පවතින දේශපාලන රටාව නිර්මාණය වීමට බලපානු ලබන සාධක අතර ආගමික විඥානය පිළිබඳ සංකල්පය ඉතාමත් ප්‍රබල විය. ආප්තගත සාධකය ආප්තය යනු පූර්ව දැනුම යි. මේ දැනුම පරපුරෙන් පරපුරෙන් පරපුරට උරුම වේ. එම පරපුර නිර්මාණය වීමට පවුල, ගුරුකුල, හා සමාජ කණ්ඩායම්වල ක්‍රියාකාරිත්වය බලපානු ලබයි. යම් පුද්ගලයෙකු යම් කරුණක් , කරුණු සමුදායක්, පුද්ගලයෙක් හෝ වස්තුවක් ආදී කරුණු පිළිබදව විශ්වාස කරයි ද එය හවත් පුද්ගලයෙකුට පැවසීමේ ඉඩකඩ ඉතාමත් ඉහළ ය. ඒ අනුව තම බාල පරපුර වෙත තම විශ්වාසයන් පිළිබඳ සිතාමතා හෝ නිරායාසයෙන් දැනුම්දීමක් කරනු ලබයි. සංස්කරණයෙන් තොරව එම දැනුම ගලනය සිදුවන්නේ ය යන්න පිළිගැනීමට අපහසු කරුණකි. කෙසේවෙතත් මෙම තොරතුරු සමුදාය යම් පුද්ගලයෙකුට ලැබෙනුයේ භාහිර පරිසරය තුළිනි. එය පවතින දැනුමට පුර්වයෙන් නිර්මාණය කරගත් දැනුමකි. මෙම දැනුම ආගමික විඥානය බිහිවීමට බලපාන සාධකයකි. තාක්ෂණික සාධකය තාක්ෂණය නම් සාධකය මගින් පවතින දැනුම ප්‍රශ්න කිරීමට නව දැනුම සොයා යාම ආදී නොයෙක් කරුණු ඉටුකිරීමේ හැකියාව පවතී. එමෙන්ම මිනිසාට ළඟ වීමට නොහැකි හෝ අසීරු බොහෝ දේ ලබාගැනීමට තාක්ෂණයට හැකියාව පවතී. තමාට ලබාගැනීමට නොහැකි ළඟාවීමට නොහැකි ඉලක්ක සපුරාගැනීමට මිනිසා මානසිකව හෝ තෘප්තියක් ලබා ගැනීමට භාවිතා කරනු ලබන දෙයක් ලෙස ආගම හැඳින්විය හැකි අතර බොහෝ අවස්ථාවල අගමැ තුළින් ඉටුවෙතැයි බලාපොරොත්තු වන අරමුණු ඉටු නොවන බව පැහැදිලි සත්‍යකි. එහෙත් තාක්ෂනය මගින් අවශ්‍ය නම් පිරිමියෙකු ගැහැනියක කිරීමටත් ගැහැනියක් පිරිමියෙක් කිරීමටත් හැකියාව පවතී. එමෙන්ම අවශ්‍ය නම් පිරිමි අඟපසඟ හා ස්ත්‍රී අඟපසඟ එකම ශරීරයක් තුළ ස්ථාපනය කිරීමටද හැකියාව පවතී. යම් කලෙක තාක්ෂණයද ආගමක් බවට පත්ව එහි දෙවිවරුන් විද්‍යාඥයින් ලෙස සැලකීමටද ඉඩ කඩ පවතී. ඒ අනුව ගත්කල තාක්ෂණයද ආගමික විඥානය නිර්මාණය වීමට බලපාන සාධකයක් ලෙස ගත හැකිය. දාර්ශනික චින්තනමය සාධකය විවිධ චින්තකයින් දර්ශනියක්යින් විසින් ඉදිරිපත්කොට ඇති මත පදනම්ව ද ආගමික විඥානය හට ගනී. බොහෝ දුරට ඉතිහාසය තුල සිදුව ඇත්තේද මෙම සාධකයේ ක්‍රියාත්මක වීමකි. එනම් යම් යම් පුද්ගලයෙකු ප්‍රකාශකළ අදහස් සමුහයක් පිළිගෙන එම අදහස් වලට ගරුකරමින් නමස්කාර කරමින් සිටින පිරිසක් බිහිවීම ය. ඇතැම් විටෙක මෙම අදහස් වලට ආත්මීය වශයෙන් බැඳුනු පිරිස් ද ලොව තුළ බිහිවීම අනවතර ක්‍රියාවලියකි. නිදසුන් ලෙස බුද්ධ දේශනය, කිතුණු දේශයන අදී ආගමික දේශනා ගත හැක. “ආගමික විඥාණයේ වර්තමාන ප්‍රවණතා” මානසික සුවය සඳහා ආගමක් ඇදහීම තුළින් බලාපොරොත්තුවන ප්‍රධානම අරමුණක් ලෙස මානසික සුවය හැඳින්විය හැකිය. ජනප්‍රිය මාධ්‍ය ක්‍රියාකාරිත්වයත් සමග මිනිසා හුදකලා වී සිටි. අතීතයේදී මිනිසුන් සිය ආගම සමග මනා සබඳතාවක් පැවැත්වූ බවට සාක්ෂි පවතී. නව මාධ්‍ය ලොවට හඳුන්වා දුන් මුල් කාලයේ ආගමික නැමියාවකින් යුත් නිර්මාණ එම මාධ්‍ය හරහා ප්‍රචාරය විය. නිදසුන් ලෙස මුද්‍රණ යන්තර හඳුන්වා දීමෙන් පසුව මුද්‍රණය වූයේ ශුද්ධ වූ බයිබල් ග්‍රන්ථයයි. මේ සඳහා දේශපාලන බලපෑම්ද වක්‍රාකාරයෙන් බලපෑ බව නොරහසකි. කුමන බලපෑමක් මත වුවද සිය මානසික සන්තෘප්තිය උදෙසා ආගම කෙරෙහි දැඩි නම්‍යතාවයක් දක්වන ලදී. වර්තමානය වනවිට මාධ්‍ය හරහා ගොඩ නැගී ඇති ක්‍රියාකාරිත්වය නිසා මිනිසා කලකිරීමකින් පසුවන බව අන්තර්ජාලය හරහා සිදු කළ සරල සමීක්ෂණයකින් තහවුරු විය. එබැවින් මිනිසා ආගම හරහා යම් හෝ මානසික සුවයක් ලබා ගැනීමට පෙළඹී ඇති බව සඳහන් කළහැකිය. වර්තමානයේදී නව මාධ්‍ය බලපෑම දරුවෙකු බිහිවීමටත් පුර්වයේ පටන් ක්‍රියාත්මක වේ. මෙලොව එලිඅ දකින්නට සිටින දරුවා කෙබඳු විය යුතුද යන්න පවා නවමාධ්‍ය උපයෝගී කරගනිමින් උපකල්පනය කිරීමට සමාජය පෙළඹී ඇත. යම් තාක් දුරට නවමාධ්‍ය හා නුතන මාධ්‍ය භාවිතයෙන් හෙම්බත් වූ හා එම රැල්ලට එරෙහි වන පිරිස ආගමික ක්‍රියාකාරීත්වයන්ගෙන් සැනසීමට පත්වන බව දැකගත හැකිය. ආත්මාර්ථකාමී අරමුණු සාක්ෂාත් කර ගැනීම මේ වනවිට ආගමින විඥානය භාවිතයට ගනිමින් සිය අරමුණු ඉටුකරගැනීමේ ප්‍රවනතාවයක් ඉතාමත් ප්‍රබල ලෙස ක්‍රියාත්මකවන බව සමාජය තුළ ක්‍රියාත්මකවන මතයකි. ඇතැම් පුද්ගලයන් හා පාර්ශවයන් සිය අභිමතාර්ථ ඉටුකරගැනීම උදෙසා ආගමික සංකල්ප භාවිතයට ගැනීම වර්තමානය තුළ සිදුවන ඛේදවාචකයකි. ඇතැම්විටක විටෙක මෙම චෝදනය ඉදිරිපත්කරන්නේද පටු ඉටිකරගැනීම සඳහා වීමද අවාසනාවන්ත දෙයකි. කෙසේවෙතත් මේ සඳහා වර්ථමාන නිදසුන ලෙස බොහෝදෙන්ක් පෙන්වාදෙනුයේ පිටිදුවේ සමන්තභද්‍ර ස්වාමින්වහන්සේ ය. කෙසේවෙතත් එවැනි තර්කයක් ඉදිරිපත් කිරීමට අපසතු දැනුම් ප්‍රමාණවත්ද යන්න තවත් එක් ගැටලුවකි. මෙම අවප්‍රමාණ දැනුම උපයෝගී කොටගනිමින් තවත් පිරිසක් රවටා එමගින් සිය අරමුණු ඉටිකරගැනීමට ක්‍රියාත්මන වන මානසික සංකල්ප මිනිසා තතුළ පවතී. එය සහජ දැනුමකි. සිදුකළ යුත්තේ එම මානසික අදහස් යටපත් කිරීම හෝ ඒවා ඉවත් කිරීමය. වර්තමානය තුළ මෙම අංශ ද්විත්වයම ක්‍රියාත්මක වේ. ධර්මය දන්නා බොහොමයක් ධර්මධරයින් ධර්මය ප්‍රකෂකරන්වා වෙනුවට සැඟවී සිටින ආකාරයක් වර්තමානය තුළ දක්නට ලැබේ. එය සියලුම ආගම්වලට පොදු ලක්ෂණයකි. මාධ්‍ය ආයතන සිය ලාබ අපේක්ෂාවන් හේතුවෙන් ජනප්‍රිය ආගමක් නිර්මාණය කරනවා විනා නිවැරදි අවබෝධයක් හෙළිපෙහෙළි කිරීමටවෑයම් කරන්නේ නැත. වාර්ගවාදී සංකල්ප පෝෂණය කිරීමට වර්තමානයේදී ආගමික විඥානය වර්ගවාදී අදහස් පෝෂණය කිරීමට භාවිතයට ගන්නා පිළිවෙතක් නිර්මාණය වී ඇත. කෙසේ වෙත්ත මෙය වර්තමානයේ නිර්මාණය දෙයක් යැයි එක හෙලා සඳහන් කළනොහැකි ය. වර්තමානය තුල ඉන් පෙර පවතී තත්ත්වයට වඩා වර්ධනයක් දැකගත හැකි ය. විශේෂයෙන්ම මුස්ලීම් ආගම මුල්කොට ගනිමින් ක්‍රියාත්මක වන isis සටන්කාමීන්ගේ ක්‍රියාකාරකම් ඉතාමත් ඉහළ මට්ටමින් ක්‍රියාත්මක වේ. එහෙත් මෙම ක්‍රියාකාරකම් මමුස්ලීම් ආගමටද පටහැනි බව ඇතැම් මුස්ලිම් ආගමික විචාරකයින් පෙන්වා දේ. කෙසේවෙතත් ලෝකයේ බොහෝ රටවල ආගමික විඥානය උපයෝගී කොට ගනිමින් මහා සමාජය තුළ උපකුලක නිර්මාණය කිරීමේ ප්‍රවනතාවයක් නිර්මාණය වි ඇත. ඇතැම් අවස්ථාවල මෙම සිදුවීමට මූලික සාධකය අර්තිලා වාසි හා බලය ලබා ගැනීමේ අරමුණු ආදී වේ. අගමැ ඉතාමත් ක්‍ෂුම ලෙස භාවිතයට ගනිමින් එම කටයුක්ත කිරීමට අනුගාමිකයින් දරන උත්සාහයන්ගේ ප්‍රමාණය වර්ධනය වී ඇති බව පෙනී යන කරුණකි. විශේෂයෙන්ම ප්‍රේම සම්බන්ධතා, විවාහය, ආදී සංවේදී කරුණු උපයෝගීකරගනිමින් මෙම ක්‍රියාකාරකම් සිදුවේ. එමෙන්ම යම් ව්‍යසනයක් සිදු වූ වහාම ක්‍රියාත්මක වන ආගමික සොවිධන පවතින පවා සමාජය තුළ මතයක් නිර්මාණය වී ඇත. මේ සම්බන්ධයෙන් විමර්ෂණය කිරීමක් සිදුනොකරනුයේ ආගමික ක්‍රියාකාරකම් කෙරෙහි සැකය උපදවීම පවක් ලෙස සමාජයතුළ බියක් පවතින බැවිනි. මෙවැනි සංවිධාන තාමත් සියුම් ලෙස උපක්‍රමශීලිව සිය වර්ගවාදී අදහස් සමාජ ගතකිරීම සිදුකරනු ලබයි. ප්‍රචණ්ඩත්වයට අනුබලදීම ආගමක් තුළින් බලාපොරොත්තු වන තත්ත්වයක් වනුයේ සමාජය තුළ සාමකාමී වටපිටාවක් නිර්මාණය කිරීම ය. මෙම අරමුණ ඕනෑම ආගමකින් බලාපොරොත්තුවන දෙයකි. එහෙත් වර්තමානයේ මෙම බලාපොරොත්තුව සාක්ෂාත් වනවාද යන්න ගැටලුවක්ව පවතින බව සමාජ දෙස සියුම්ව බැලීමේදී පෙනී යන කරුණකි. ආගම රැකගැනීම වෙනුවෙන් දිවි පිදීම ඉතාමත් පුණ්‍යවන්ත ක්‍රියාවක් බව අවධාරණය කිරීමට ඇතැම් පාර්ශවයන් උත්සහ ගනී. එබැවින් කුමන තත්වයක් යටතේ වුවද ආගම අරමුණු කරගනිමින් ඊට යම් ආකාරයක් කැළලක් සිදුවන බවට සිදුවන කුලුගන්වීමක් මත ක්‍රියාත්මක වීමට ඇතැම් පාර්ශවයන් පෙළඹීමක් දැකගත හැකි ය. "යුධ පිටියේ මිය යන සොල්දාදුවන් දිව්‍යලෝකයේ නැවත උපදිනවාදැයි එක් යුධ වීරයෙක් විසින් බුදු රජාණන් වහන්සේගෙන් විමසයි. ඊට පිළිතුරක් නොදුන් බුදුන් වහන්සේ නිහඬව සිටිසේක. පිළිතුරක් නොලද හෙයින් නැවත වරක් එම යුධ වීරයා විසින් එම ප්‍රශ්ණයම බුදුන් වහන්සේගෙන් අසනු ලබයි. ඒ අවස්ථාවේද උන්වහන්සේ නිශ්ශබ්දව සිටි‍ සේක. තෙවැනි වරද එම ප්‍රශ්ණයම විමසන ලදුව බුදුන් වහන්සේ විසින් පිළිතුරක් ලබාදෙන ලදී. යුධ පිටියේ මියයන සොල්දාදුවන් දිව්‍යලෝකයේ උපත නොලබයි. ඊට හේතුව යුධපිටියේ මියයන සොල්දාදුවන් විසින් මියයන මොහොතේදී වැළැක්විය නොහැකි ලෙස වෛරයත්, වේදනාවත් හැඟීම් දරණ නිසාවෙන් ඒ හැඟීම් වලට අනුව ඔවුන් අපායේ උපත ලබන බව උන්වහන්සේ දේශනා කළ සේක." (සංයුක්ත නිකායේ XLII වැනි යෝධාජීව සූත්‍රය.) ජීවිත බිලියන ගණනක් ආගම් වෙනුවෙන් සිය ජීවිත කැපකොට ඇත. විවිධාකාරයේ දෘෂ්ඨිවාදයන් ඔස්සේ අන්තගාමීන් ලෙස ක්‍රියාකරන පිරිස් වර්තමානයේදී ද අතිශය ප්‍රබල බලපෑමක් සිද්ධ කරමින් සිටිති. “බුදුදහම මිලිටරිකරණය: දකුණු තායිලන්තයේ හිංසනය" නමින් මයිකල් ජෙරිසන් විසින් ලියා ඇති ග්‍රන්තයක ඉස්ලාම් ධර්මය හා බුද්ධ ධර්මය අතර දිනෙන් දින තියුණු වන ආගමික ගැටුම් වලට සමගාමීව තායි බුදුදහමේ මිලිටරි යොමුව පිළිබඳ නිරීක්ෂණයන් මෙම ලිපිය තුළ අන්තර්ගතය. බෞද්ධ භික්ෂුන් සෘජුවම හමුදා පුහුණුව වෙත යොමුවීමත්, ඒ හරහා බෞද්ධ හමුදාකරණය පිළිබඳවත් මෙම රචනාව තුළ නිරීක්ෂණය කොට ඇත. ලොව ප්‍රචලිත හ වඩාත් ප්‍රයෝගික ආගමවල වර්ථමාන මෙසේ සිදුවන විට ආගමික විඥානයේ පළුදුවීම් නිර්මාණය වීම අරුමයක් ද නොවේ. ජනප්‍රිය සංස්කෘතියේ මතවාද පැතිරවීමට යොදා ගනියි වර්තමානය වන විට ජනප්‍රිය සංස්කෘතිය සතු මතවාදයන් පැතිරවීමට ආගමික විඥානය උපයෝගී කරගන්න ආකාරයක් දක්නට ලැබේ. ජනප්‍රිය සංස්කෘතිය නිශ්චිත ලෙස නිර්වචනය කිරීමට නොහී වුවද “ජනප‍්‍රිය සංස්කෘතිය යන්න වඩා බහුතර ජනතාවගේ සංස්කෘතිය වේ” -නූතන කලා විචාරකයන්- “ජනප‍්‍රිය සංස්කෘතිය යනු සමාජය තුළ ජිවත්වන සියලූ දෙනාගේම සංස්කෘතියයි” -බටහිර විචාරකයින්- “මිනිස් කණ්ඩායමක අත්දැකීම් බෙදා හදා ගන්නා ක‍්‍රමය ජනප‍්‍රියසංස්කෘතිය නම් වේ” -හිදෙතොෂී කාටෝ- “නොයෙකුත් නිර්වචන ඉදිරිපත්ව පවතී. ජනප‍්‍රිය සංස්කෘතිය යනු වර්තමාන ලෝකයේ දැන හෝ නොදැන අනු ගතවූ නව විලාසිතාවක තැනගත්තාවූ ප‍්‍රබල නැමියාවක් ලෙස හඳුනාගත හැකිය. (රත්නායක, 2008, 107* මෙම” ජනප්‍රිය සංස්කෘතිය තුළ පවතිනුයේ ඉතාමත් ක්ෂණික විනොදශ්වදයක් පමණි. තරු සංකල්පය මේ කදිම නිදසුනකි. ජනප්‍රිය සස්කෘතිය කිසිසේත්ම ස්ථාවරත්වය මත රඳවාගත නොහැක. ජනප්‍රිය සංස්කෘතියේ පවතින මෙම ක්‍රියාකාරිත්වය ආගමික විඥානය කෙරෙහි ඉතමත් දරුණු ලෙස බලපා තිබේ. විශේෂයෙන්ම ආගමික ඇදහිලි ඊට අදාළ නිශ්චිත දිනවලට පමණක් සිමා වී ඇත. ඒ ඒ ආගම්වලට නියමිත පුජනිය ස්ථානවලින් බැහැර වූ පසු ආගමික මුහුණුවරක් දැකගත නොහැකිය. මිනිසා ආගමද විලාසිතාවක් බවට පත්කොටගෙන හමාර ය. නිදසුන් ලෙස කොන්ත සලකුණ ගතහැකිය. කිතුණු ආගමේ ශුද්ධ වූ සංකේතයක් ලෙස භාවිතයට ගන්නා කොන්ත ලකුණ පච්චාකෙටිම වැනි කාර්යන් සඳහා යොදා ගැනීම බහුලව සිදුවන දෙයකි. මේ සඳහා ආගමික වශයෙන් පවතින දැනුම ඉවහල් වේ.ඇතැම් විටෙක යම් සලකුණක් දුටු පමණින් එය අදාළ ආගමේ සලකුණක් ය යන්න වරදවා වටහා ගන්න අවස්ථා ද වර්තමානය තුළ පවතී. මෙය ඉතාමත් ඛේදජනකතත්වයක් ලෙස දැකගත හැකිය. එවන් සැකයක් ඇතිවන්නේද ඊට අදාළ සිදුවීම් සමාජය තුළ නිරන්තරන්ම සිදුවන බැවිණි. ආගමික ගීත නිර්මාණය කිරීම ද සමාජය තුළ දක්නට ලැබෙන තවත් ප්‍රවණතාවයකි. විශේෂයෙන්ම වෙනත් ආගමක පුද්ගලයෙකු තවත් ආගමක් පිළිබඳව ගීතයක් ගායනා කළහොත් අපරිමිත භක්තියක් ජනතාව තුළ නිර්මාණය වේ. මෙය ජනතාව තුළ පවතින කුමන මනෝභාවයක්ද යන්න ගැටලුවකි. ඇතැම් අවස්ථාවල ක්‍රියාත්මක වන්නේ පුද්ගලයට පවතින හැකියාව ප්‍රයෝජනයට ගැනීමක් විනා සිය ආගමට විරුද්ධව තවත් ආගමක් ඇදහීම නොවේ. ඉතාමත් විරල ලෙස සිය අගමැ අතහැර වෙනත් ආගමකට පැමිණ එහි හරය වටහාගන්න පුද්ගලයින් නැතුවාම නොවේ. දේශපාලන බලය සඳහා සියුම්ව හා වක්‍රව යොදා ගනියි. දේශපාලන වාසි ලබාගැනීම උදෙසා ආගමික විඥානය උපයෝගිකර ගැනීම ද තවත් ප්‍රවණතාවයකි. ඇතැම් දේශපාලන පක්ෂ තුරුම්පුවක් ලෙස භාවිතයට ගනු ලබන්නේ ආගම්වදයයි. බහුවාර්ගික සමාජයක් තුළ සිය වර්ගය උද්දීපනය කිරීමට ආගමික විඥානය උපයෝගී කරගනි. ඇතැම් ආගම්වල භාවිතයට ගන්න සංඛේත දේශපාලන පක්ෂ සඳහා භාවිතයට ගනී. එමහින් අවිඥානිකව මිනිසා එම දේශපාලන පක්ෂ සඳහා ඇල්මක් දැක්වීම සිදු වේ. නෙලුම් මල යනු පිවිතුරු බව ප්‍රදර්ශනය කිරීමට භාවිතයට ගන්න මලකි. භාරතීය ජනතා පක්ෂයේ සලකුණයි. එමෙන්ම මිනිසා තුළ පවතින සැනසීම සොයා යාමේ ආශාව පදනම්කොටගෙන ක්‍රියාත්මකවන ආගම සිය පටු දේශපාලන අරමුණු ඉටිකරගැනීමට ඉතාමත් ප්‍රබල හැකියාවකින් යුතු මාධ්‍යක් බව පැහැදිලිය. ඉන්දීය භාරතීය ජනතා පක්ෂය හින්දු ආගම ආරක්ෂා කරන බව ප්‍රතිඥා දී ඇත. ඇතැම් අවස්ථාවලදී සිය ආගම ආරක්ෂා කිරීමට මෙවැනි පියවර ගැනීමටද සිදුවන අවස්ථා එම සමාජය විසින්ම නිර්මාණය කිරීම කණගාටුවට කරුණකි. ආගමික විඥානය සර්වාගමික ස්වරුපයකට පරිවර්තනය වීම වර්තමානය වන විට සියලු ආගම් කෙරෙහි බොහෝ දෙනාගේ නැඹුරු වීමක් දැකගත හැකිය. විශේෂයෙන්ම ආගම සම්බන්ධ අධ්‍යනයන් මේ සඳහා උපයෝගී වි ඇත. එමෙන්ම ජනමාධ්‍ය මගින් ඉදිරිපත් කරන මව පෑම් මේ සඳහා උපයෝගී වි පවතී. ජනතාව තුළ ඇතැම් ගැටුම් නිර්මාණය වන විට එය වලක්වාගැනීම උදෙසා ඇතැම් අවස්ථාවල රාජ්‍ය මගින් මෙවැනි සංකල්ප ඉතාමත් සියුම් ලෙස සමාජ ගත කිරීමක් සිදුකරනු ලබයි. සමාලෝචනය ආගමික විඥානය සමාජයේ යම් නිශ්චිත දිනෙක් ඉවත් වේය යන්න කිව නොහැකිය. සමාජය තුළ අඩු වැඩි අශයෙන් යම් යම් සමාජ ප්‍රශ්න පවතී. නව ආගම බිහිවීමටත් පවතින් ආගම නිධේදනය වීමටත් හැකියාව අවශ්‍ය තරම් පවති. එබැවින් සමාජ විඥාණය තආගමික විඥාණය කෙදිනකවත් බැහැර වන්නේ නැත. එය අඩු වැඩි වශයෙන් ලොව පවතින තෙක් පවතී. මුලාශ්‍ර • මල්ලිකාරච්චි, ඩෙස්මන්ඩ් බුදුන් වහන්සේ සහ කාල්මාක්ස් , 2011 ,සංහිඳ ප්‍රකාශන , නුගේගොඩ • සමාජ විද්‍යාඥයින්ගේ සංගමය , ප්‍රවාද , කලාප 16, කරුණාරත්න සහ පුත්‍රයෝ හෝමගම , 2000 • නන්දන, පෙරේරා v p, ඉස්ලාම් ධර්මය හා සමාජ ක්‍රමය, චතුර මුද්‍රණාලය, වැල්ලම්පිටිය, 2001 • අබේපාල , රොස්මන්ඩ්, සිග්මන් ප්‍රොයිඩ්ගේ මනොවිශ්ලේෂණවාදය, තරංග ප්‍රින්ට්ස් , නාවින්න, 2011 • ගමගේ, ජේ නාමල්, දේව සංකල්ප, චතුර මුද්‍රණාලය, වැල්ලම්පිටිය, 2001 • විජේතුංග, W.A.D.S, විනිශ්චය, ජේසුස් ක්‍රිස්තුස්, 1997 • ගෝඩර්,යුස්ටයින්, සොෆිගේ ලෝකය, විදර්ශන ප්‍රකාශන කළුබෝවිල, 2016 • එදිරිසිංහ, දයා, පෙරේරා ඥානදාස, දාර්ශනික විමර්ශන, තරංග ප්‍රින්ටස්, 2001 අනුරුද්ධ සේනාධිලංකාර

මාධ්‍ය පඨිතයක සමකාලින විශේෂතා

මාධ්‍ය පඨිතයක සමකාලින විශේෂතා

සංහතිකයා නිර්මාණය වූ ද සිට මාධ්‍ය සතුව වඩාත් පුළුල් වගකීමක් පවතී. සංහතිකයට අවශ්‍යය කරන තොරතුරු ලබා ගැනීමට අවශ්‍යය කරන මාර්ග සංහතික මාධ්‍ය හරහා සිදුවන බවට සංහතිකයා තුළ විශ්වාසයක් පවතී. සංහතික මාධ්‍ය යනුවෙන් හඳුන්වන පුවත්පත්, ගුවන්විදුලිය, රුපවාහිනිය වැනි මාධ්‍ය හරහා තොරතුරු ලබාගැනීම පමණක් නොව තවත් කාර්යයන් කිහිපයක් බලාපොරොත්තු වේ. ඒ අතරට 1. ප්‍රචාරණය 2. අධ්‍යාපනය ලබාදීම 3. විනෝදාස්වාදය ලබාදීම 4. තොරතුරු ලබා දීම 5. පෙළඹවීම කෙසේවෙතත් මාධ්‍ය මගින් සිදුකෙරෙනුයේ යථාර්තය ප්‍රතිනිර්මාණය කිරීමය. එනම් පවතින යම් දෙයක් මාධ්‍ය මගින් ලබාගෙන එය ඉදිරිපත් කිරීමය. මෙහිදී පවතින දෙය එලෙසින්ම සංහතිකයා වෙතට පැමිණේද යන්න ගැටලුවකි. එය යම් යම් සංශෝධනයන්ට ලක්වීම නිරායාසයෙන්ම සිදුවේ. ඒ අනුව මාධ්‍ය පඨිතයක් සතුව ලක්ෂණ කිහිපයක් පවතී. අර්ථ ප්‍රකෂනවේදය එනම් මාධ්‍යකරුවා හා සිද්ධිය අතර පවතින සබඳතාවය. යථාර්තයට මාධ්‍යකරු දක්වන සම්බන්ධතයව මෙලෙස දැක්වේ. පද සංයෝජනය යම් සිදුවීමක් දකින මාධ්‍යකරු එම සිද්ධිය මුල මැද අග පිළිවෙලින් සකස් කිරීම. උපයෝගීත්වය එනම් නිර්මාණය හා ග්‍රාහකයා අතර පවතින සබඳතාවය. මෙහිදී අර්තප්‍රකෂණවේදය තුළ කොටස් යථාවිධ තොරතුරු අන්තර්ගතවේ. එනම් යම් සත්‍යවශයෙන්ම දුටු දෙයයි. ඉන් අනතුරුව තමාගේ මතයට අනුව සිය නිර්මාණය සිදුකරයි. පසුව එය සන්ධෝධනය වේ. ඇතැම් විතර්ක ආයතනයේ මතයට අනුව සිය නිර්මාණය සංශෝදනය කිරීමට සිදුවේ. මෙම තොරතුරු වටිනාකමකින්යුක්ත තොරතුරු ය. පසුව ප්‍රතිමනක තොරතුරු ඊට අන්තරගතවේ. ප්‍රතිමනක තොරතුරු ලෙස හඳුන්වනුයේ අදාළ පඨිතය තුළින් ග්‍රාහකයා ගතයුත්තේ කුමක්ද යන්න තීරණය කිරීම ය. මේ හේතුවෙන් සෑම මාධ්‍ය නිර්මාණයක් තුළම එකම කරුණු අන්තර්ගත නොවේ. පඨිතය නිර්මාණය කිරීමට පාදක කරගන්නා සිද්ධිය එකක් වුවද අවසන් ප්‍රතිපලය වෙනස්වීමට හැකියාව පවතී. එය ආයතනික මතය හා තම පුද්ගලික මතය අනුව වෙසන්විමට අවශ්‍යය තරම ඉඩකඩ පවතී. කෙසේවෙතත් අතීතයේ සිට පවත ආ මාධ්‍ය පඨිතය මේ වන විට යම් යම් වෙනස් වීම්වලට භාජනය වි පවතී. ඒ අනුව ඉදිරියෙදී සමකාලීන මාධ්‍ය පඨිතයවල දැකිය හැකි සුවිශේෂීතා පිළිබඳව විමර්ශනය කරමි. සමකාලින මාධ්‍ය පඨිතයක දැකිය හැකි සුවිශේෂිතා පහත සඳහන් කරුණු යටතේ විමර්ධනය කිරිමයට හැකියාව පවතී. ආකෘතිය මාධ්‍ය පඨිතයක් යනු මාධ්‍ය නිර්මාණයකි. රනම් යම් සිදුවීමක් හෝ සිදුවීම් කිහිපයක් වටා ගෙතෙන වියමනකි. ආකෘතියක් යනු සංකීර්ණ ස්වභාවයක් සරල ආකාරයට දැක්වීමකි. සංහතික මාධ්‍යයේගමක බලවේගයක් වන “පුවත්” මාධ්‍ය පඨිතයක්ලෙස ගතහොත් එය රචනාකිරීමට ගත් ප්‍රබලතම ආකෘතිය වුයේ යටිකිරු පිටමිඩ ආකෘතියයි. එහෙත් අද වනවිට ආකෘති ගණනාවක් භාවිතයට ගනී. නිදසුන් ලෙස • අනුපිළිවෙලින් සංවිධානය කිරීම • මූලික වාර්තා සංවිධාන ප්‍රවේශය • රචනා ශෛලිය • විනිවිධ පෙනෙන ලෙස ලිවිම මෙම සම ආකෘතියක් තුළම අන්තරගතවන පුවත එකක් වුවද ඉදිරිපත්වන ආකාරය වෙනස්ය. රචනා ශෛලය තුළපුවතක් ලියවෙනුයේ රචනාවක් ලියන ආකාරයටය. ඒ තුල උපමා රූපක ආදිය අන්තරගතය. එය විශේෂාංග ගණයට අදාළකරගත හැකිය. පුවත් පඨිත පමණක් නොව රුපවාහිනී ගුවන්විදුලි වැඩසටහන් ආකෘති පවා වෙනසකට භාජනවී ඇත. නිදසුන් ලෙස රුපවාහිනී මාධ්‍ය තුල විවිධ වැඩසටහන් ආකෘති නිර්මාණය වීම ගත හැකිය. මෙයට ඇතැම් මාධ්‍ය සමීක්ෂණවල බලපෑමද නැතුවම නොවේ. එමෙන්ම අත්හදා බැලීම් ද හේතුපාදක වේ. ඊට නිදසුනක් ලෙස ඩැනියල් ල්ර්න්ර් අරාබි රටවල් පදනම් කරගනිමින් සිදුකළ ඇතැම් මාධ්‍ය සමීක්ෂණ ගත හැකිය. මුල්කාලීන රුපවාහිනී වැඩසටහන් ශානර වෙනුවට වර්තමානය වනවිට නව වැඩසටහන් ශානර ඉදිරිපත් වි තිබේ. අතීතයේදී සොප් ඔපෙරා වලට සීමාවී තිබුණු ෂනර තුල අන්තර් ෂනර නිර්මාණය වි ඇත. නාට්‍ය නම් මාධ්‍ය පඨිතය තුළ මෙම වෙනස දැකගත හැකිය. විශේෂයෙන්ම වර්තනමය වනවිට රුපවාහිනී ටෙලි නාට්‍ය විකාශනය වන වේලාවන් අලලා එම වේලාවන් නාමකරණයටද භාජනය කොට ඇත. නිදචුන් ලෙස ස්වර්නාහිනි “රන් දේ පැය” ආදී නම්වලින් ඒ ඒ මාධ්‍ය ආයතන සිය ටෙලිනාට්‍ය විකාශන කාලය නම්කොට ඇත. ගෝලීයකරණයේ අතුරු ප්‍රතිපලයක් ලෙස ලෝකයේ වෙනත් රටවල විකාශනය වන ඇතැම් ගුවන් විදුලි නාට්‍ය හා රුපවාහිනී ටෙලිනාට්‍ය ආකෘති මෙරට රුපවාහිනී තුළ දැකගත හැකිය මෙය සමකලින් මාධ්‍ය පඨිත තතුළ දැකගත හැකි ලක්ෂණයකි. අන්තර්ගතය සමකාලින මධ්‍ය පඨිතවල දැකගත හැකි තවත් ප්‍රධාන වෙනස්කමක් වනුයේ අන්තරගතයේ පවතින වෙනස්වීමය. අතීතයේ සංහතික මාධ්‍ය පඨිතවල පවතී ඇතැම් කරුණු මේ වනවිට සංශෝධනය වී පවතී. රෝම අධිරාජ්‍ය තුළ පැපිරස් පත්වල පලකරන ලද පුවත්වල අන්තර්ගත වුයේ එවකට පැවතී පාලනයට අදාළ තොරතුරුය. ඍජුවම පුවත් ය. එහෙත් වර්තමානය වැනිය පුවත් තුළ නිර්මාණාත්මක අංගද අන්තර්ගත වේ. පශ්චාත් නුතනවාදය තුළදී පවතින තොරතුරු බහුලත්වය මත පුවත් සම්පදකයින්ටද මුහුණ දීමට සිදුව ඇත්තේ ඉතාමත් අසිරුතාවයකටය. වර්ථමාන මධ පඨිතය තුළ නිශ්චිත අරමුණක් දැකගත නොහැකිය. එය ඇතැම් විටෙක තමන්ගේ මතයට අනුකූලව හැඩගස්වා ගැනීමට හැකියාව පවතී. ඉදිරිපත්කරන ආකාරය සමකාලින මාධ්‍ය පඨිත තුළ දැකගත හැකි තවත් ලක්ෂණයක් ලෙස පඨිතය ඉදිරිපත් කරන ආකාරය දැකගත හැකිය. නිදසුනක් ලෙස ගුවන්විදුලි මාධ්‍ය ගතහොත් අතීතයේදී ඉදිරිපත් කෙරුණු මාධ්‍ය පඨිත ඉතාමත් සංවරශීලීය. නියමිත හඬ පරීක්ෂණයකින් සමත්වන සන්යමයකින් යුක්ත නිවේදකයින් පිරිසක් විසින් මාධ්‍ය පඨිත ඉදිරිපත් කරන ගුවන් විදුලියක් අපසතුව පැවතියේය. එහෙත් මාධ්‍ය පෞද්ගලිකරණය වීමත් සමගම එම සංස්කෘතිය වෙසන් විය. මතක් වනතුරුම ගුවන් විදුලි සංස්ථාව මගින් ඉදිරිපත් කරන පුවත් විකාශනය තුළට පුවත් නිවේදකයාගේ හඬ හැර වෙනත් කිසිදු හඬක් යොදාගත්තේ නැත. ඉන් ගම්‍යවන ඉතාමත් ප්‍රබලතම කරුණක් නම් ජාතික ගුවන්විදුලිය කෙරෙහි තැබූ විශ්වාසය එතරම් ප්‍රබ්නල විය. එහෙත් මතකාලින සංශෝධනයකට අනුව මේ වනවිට ජාතික ගුවන්විදුලියේ පුවත් විකාශනය අතර මැදට උදෘත ලෙස ඇතැම් විශේෂිත පුද්ගලයන්ගේ හඬ පට යොදාගනී. තම අමාත්‍යවරයෙකු විසින් සිදු කළ ප්‍රකාශයක් මුල්කොටගෙන පුවතක් නිර්මාණය වනවානම් එම අහන්දපටය විකාශය කිරීමට වර්තමානය වැනිය ජාතික ගුවන් විදුලිය ප්‍රවෙසම්වේ. නිර්මාණය කිරීමට භාවිතයට ගන්නා උපක්‍රම වර්තමානයේදී මාධ්‍ය පඨිතයක් නිරම්නය කිරීමට ගනුලබන උපකරණ ප්‍රමාණය ඉතාමත් අල්පය. එමෙන්ම ඒවා ඉතාමත වේගවත්ය. අතීතයේදී යම් මාධ්‍ය පඨිතයක් සංහතික ගතකිරීමට දැඩි යාසයක් ගැනීමට සිදුවේ. එහෙත් වත්මන වනවිට එය ඉතාමත් සරල කරුණක් බවට පත්ව ඇත. එක රටක සිදුවන දෙයක් අ මොහොතේම තවත් රටක සිට රුපවාහිනී තිරයක් හෝ පරිගණක තිරයක් හෝ ජංගම දුරකතනයක් හරහා දැකගත හැකිය. අතීතයේදී යම් පුවතක් ජනගතවිමට දිගු කාලයක් ගතවේ. එහෙත් වර්තමානය වන විට එතරම් කාලයක් ගතනොවේ. ඇතැම් පුවත් ලබාගැනීමට මාස දෙක තුනක් ගත වූ අවස්ථා දැකගත හැකිය. මිට නිදසුනක් ලෙස බ්‍රිතාන්‍ය යටත් විජිත සමය තුල බ්‍රිතානයෙන් මෙරටට පුවත් පතක් පැමිණියේ පිලිණි වුණු පුවත් පත් ලෙසය. එහෙත් තත්කාලයට සාපේක්ෂව එය ඉතාමත් වේගවත්ය. කෙසේවෙතත් වර්තමානයේ ENG වැනි ක්‍රමවේදයන් ග්‍රහ මාධ්‍ය පඨිත නිර්මාණය වන හා විකාශනය වන කාලය ඉතාමත් අවමය. තාක්ෂණය අතීතයේ මාධ්‍ය පඨිතයක් නිර්මාණය කොට සංහතික ගතකිරීම යනු ඉතාමත් බැරෑරු කටයුක්තක් විය. මුල්කාලීන පුවත්පත්වල ඡායාරූප පළවුයේ අදාළපුවත පළවී සති කිහිපයකට පසුවය. ඇතැම් විටෙක එයද අතින් අඳින ලද චිත්‍රයක් විය. ගුටෙන් බර්ග් සිය මුද්‍රණ යන්ත්‍රය මගින් ප්‍රථමයෙන් මුද්‍රණය කළබයිබලය තුළපවා දක්නට ලැබුණේ අතින් අඳින ලද සිතුවම්ය. මෙය කෙමෙන් කෙමෙන් පරිණාමනය වි ඡායාරූපකරණය පුවත්පත් හා ඥාති විය. ඉන් පසුව ඡායාරූප සහිතව පුවත්පත් නිර්මාණය වීමට අවකාශය සැලසිණි. වර්තමානය වනවිට තාක්ෂණයේ දියුණුව සමග පුවතට අදාළ ඉතාමත් සුපැහැදිලි දර්ශන මෙන්ම ඡායාරූප ද දැකගැනීමේ හැකිය පවතී. ඒ අනුව වර්තමානයේ පවතින් මාධ්‍ය පඨිත ඉතාමත් දියුණු ඒවා ලෙස දැකගත හැකිය. විශේෂයෙන්ම මාධ්‍ය අභිසාරිතාවය හේතුවෙන් මාධ්‍ය අතර ඇතිවන සබඳතාවය හේතුකොටගෙන යම් මාධ්‍ය පඨිතයක් විවිධ සංහතික මාධ්‍ය ඔස්සේ දැකගත හැකිය. එමගින් සංහතික මාධ්‍ය අතර පවතින තරගකාරිත්වය පහළ බසිනු ඇත. එසේ වුවද නිවැරදි පුවත ප්‍රථමයෙන් ඉදිරිපත් කිරීමට සෑම මාධ්‍ය පඨිතයකම උත්සහ ගනී. සංකේත භාවිතය ඉහල මට්ටමක පැවතීම “සුදු නෙළුම කෝ සොරබොර වැවේ” යන අමරදේවයන් ගයන ගීතය තුළ ගැබ්ව ඇත්තේ පුවතකි. එනම් සොරබොර වැව ආශ්‍රිතව නෙලුම් මල් කඩා ගෙනවිත් ඒවා අලෙවිකොට දිවි රැකගත් දැරියකගේ අනුව්දනිය මරණයයි. මෙය ප්‍රතිනිර්මාණය වන්නේ ගීතයක්‌ ලෙසය. පශ්චාත් නුතනවාදය තුල තමාට උචිත ආකරයෙන් සංකේත වරනගා ගැනීමට හැකියාව පවතී. අරමුණු BBC ආයතනය ක්‍රියාත්මක වුයේ ප්මහජන සේවා ගුවන් විදුලියක් ලෙසටය. ලෝකයේ තවත් සංහතික මාධ්‍ය ආයතන කිහිපයක් මේ ගණයට වැටේ. එහෙත් වර්තමනයවන විට ජනතාව වෙනුවෙන් කැපවීම යන අරමුණ වෙනස් වී ඇත. පවතින ආර්ථික රටාව සමග අපොරබදීමට අවශ්‍ය කරන මාධ්‍ය පඨිත නිර්මාණය වන ප්‍රවනතාවයක් දක්නට ලැබේ. කලක් රුපවාහිනී ආයතන දිනකට එක්වරක් විකාශනය වූ පුවත් විකාශය පසුකාලීනව තෙවරක් විකාශනය විය. ඒ උදැසන පුවත්, දහවල් පුවත් හා රාත්‍රී පුවත් ලෙසය. එහෙත් වර්තමානය වනවිට වාණිජ හා සමාජීය අරමුණු පුළුල් වි ඇත. එබැවින් ආයතනවලට වැඩි ආයෝජනයක් ලබා ගැනීම උදෙසා “පයෙන් පැය” පුවත් විකාශනය කෙරේ. ඇතැම් විටෙක එමගින් විකාශනය වන ඇතැම් පුවත්වල පුවත් වටිනාකමක් පවතිනවාද යන්න ගැටුළුවකි. අනුකාරක සංස්කෘතිය නව සංකල්ප අනුව ක්‍රියාත්මකවන මාධ්‍ය සංස්කෘතියක් වර්තමානය මාධ්‍ය පඨිත තුළ දක්නට නොලැබේ. එක ආයතනයක් නව සංකල්පයක් අනුව යම් පඨිතක් නිර්මාණය කලවිට එය අනුකරණය කිරීමේ කලාවක් දක්නට ලැබේ. මෙරට ආයතනවලට පමණක් එල්ලවන චෝදනාවක් නොවේ. ලෝකයේ ඇතැම් මාධ්‍ය අයතනවෙත ජනතාවගේ අවධානය ලබා ගැනීමට අනුකරණය උපයෝගිකරගනී. මේ සඳහා චීන මාධ්‍ය ආයතන සතුව පවතින ඇතැම් සංකල්ප දැකගත හැකිය. ශ්‍රී ලංකාවේ සිනමාව ගතහොත් බොහොමයක් චිත්‍රපට විදෙස් රටවල විකාශනය වුණු චිත්‍රපටවල අනුකරාකරනයනය. නව සංකල්පවල හීනතාවයයක් වර්ථමාන මාධ්‍ය පඨිත තුලින් දක්නට ලැබේ. වගකීම වර්තමානයේ විකාශනය වන ඇතැම් මාධ්‍ය පඨිතවගකීමකින් තොරව විකාශනය වන බව නොරහසකි. විශේෂයෙන්ම සමාජ ජාලා වෙබදවී හරහා “පුවත්” යන මාධ්‍ය පඨිතය විනාශවන ආකාරය දැකගත හැකිය. මිට ප්‍රධානතම හේතුව වනුයේ එම ගිණුම්වල අයිතිකරු තමුන්ම වීමය. එමගින් පවතින වගකීම හෑල්ලුවට ලක්වීම හේතුවෙන් පුවතක පවතින වටිනාකම හීන වි යයි. 

 අනුරුද්ධ සේනාධිලංකාර

පාහියන්ගල ලෙන් ලෙන්විහාරය මේ පුංචි ශ්‍රී ලංකව ඇතුළේ ලෝකයට හිතාගන්නවත් බැරි තරම් ඉතිහාසයක් හැංගිලා තියනවා. ඒ වගේම ඒ ඉතිහාසය නිසා මුළු ලෝකයම වගේ අපේ ශ්‍රී ලංකාව දිහා අවධානයෙන් ඉන්නවා කියන එකත් මතක්කරන්න ඕන. ඉතින් අද සිට මේ සුන්දර ශ්‍රී ලංකාව වට සංචාරය කරන්න අපි සුදානම්. අපේ අභිමානයත් හිත් අස්සේ තියන නිහතමනින්තවයත් ඒ වගේම තරුණ ශක්තියත් එක්ක ලංකාවේ ගොඩක් තැන්වල ඇවිදින්න අපි සුදානම්. අපේ සංචාරයට මුල්ගල තියන්න අපි තෝරාගත්තේ ලෝකයේම අවධානයට ලක්වුණු ස්ථානයක් වන පුද බිමක් වන පාහියන්ගල ගල් ලෙන් විහාරස්ථානය. අද අපි තෝරගත්තු මේ ඓතිහාසික වැදගත්කමකින් යුක්ත ප්‍රාග් ඓතිහාසික භූමියට එන්න පුළුවන් මාර්ග කිහිපයක් තියනවා. ඒ අතරින් ඔබ කොළඹ සිට පැමිණෙනවා නම් හොරණ බුලත්සිංහල මාර්ගයෙන් එන්න පුළුවන්. ඒ වගේම කළුතර පැත්තෙන් නම් ඔබ එන්නේ මතුගම බුලත්සිංහල මාර්ගය පාවිච්චි කරන්න හැකියාවත් තියනවා. කොහොම වුනත් මේ භුමිය විෂයන් රැසකට වැදගත්වන භූමියක්. විශේෂයෙන්ම ඓතිහාසික වශයෙන්, මානව විද්‍යාත්මක වශයෙන් මේ ගල් ලෙන ඉතාමත් වැදගත් ස්ථානය. ඔබටත් හැකියාව තියනවා මේ සුන්දර භුමිය දැකබලාගන්න එන්න. මතක් කරන්න ඕන තවත් වැදගත් දෙයක් තියනවා. පොලිතින් ප්ලාස්ටික් වගේ දේවල් නොදැනුවත්ව හරි හානියක් වෙනවනම් එය වළක්වගන්න ඔබ කටයුතු කරනවා නම් ඒක ගොඩක් වටිනවා. නුතන මානවයාගේ අවසාන් පුරුක වන හෝමෝ සේපියන් මානවයාගේ අස්ථි කොටස් මේ භූමියෙන් සොයාගත්තා. අවුරුදු 33000 ක ඉතිහාසයට නෑකම් කියන තවත් බොහෝ තොරතුරු මේ ලෙන් පරිශ්‍රයෙන් දැකගන්න ඔයාටත් පුළුවන්. බොහෝ දෙනෙක් හිතනවා ඒ ඉතිහාසයටත් එහා ගිය ඉතිහාසයක් මේ ප්‍රදේශයේ පවතින බව. අපට දැනගන්න ලැබුණු තොරතුරු අනුව 1986- 1986 වර්ෂවල ශිරාත් දැරණියගල මහතාගේ මුලිකත්වයෙන් කැනීම් කටයුතු සිදුකරලා තියනවා. ඒ වගේම ඒ වෙද්දී කැනීම් කටයුතු බර නිලධාරියා වශයෙන් කටයුතුකරලා තියන්නේ w. විජේපාල මහතා. ඇමරිකාවේ කෝනර් විශ්වවිද්‍යාලයේ කෙනත් කෙනඩි නම් පුරාවිද්‍යා මහාචාර්යවරයා ඒ කැනීම්වලදී සොයගත්තු මානව අස්ථි කොටස් පරික්ෂාවට ලක්කළා. ඒ අස්ථි කොටස් හා සොයාගත් හිස්කබල් කිහිපය අදින් වසර 37000 පමණ පැරණි බව ප්‍රකාශ කරනවා. මේ ලෙනට උඩින් තියනවා කන්දක්. අපි යමු ඒ කන්දට. මුලින්ම කියන්න ඕන මේ ගමන යද්දී පුංචි සතේකටවත් හානියක් නොවෙන විදිහටයි අපි උඩට යන්න ඕන. මොකද හැමතැනම පුංචි පුංචි සත්තු ඉන්නවා. ඒ අතරින් ගොඩක් ජීවින් මේ සුන්දර ලංකාවට අවේනික සතුන්. කොහොම උනත් මේ අවට තිබෙන වනාන්තරය පහතරට නිවර්තන තෙත් කලාපයට අයිති වනාන්තරයක් කියල තමයි අපට දැනගන්නට ලැබුණේ. ඒ වගේම මේ අවට තිබෙන ගහකොළ සිංහරාජ වනයට නෑකම් කියනවා. සමහර තැන්වල ලිස්සනවා. යන්නන තරමක් අපහසු තැන නැතුවම නොවෙයි. හැබැයි පරිස්සමට එන්න පුළුවන්. මේ ගමන අතරවාරයේ මීමින්නන්, වලිකුකුළන්, දඬුලේනුන්, කෑදැත්තන් වගේ තවත් සතුන් බොහෝ ප්‍රමාණයන් දැකගැනීමේ හැකියාව ඔබට පවතිනවා. ටිකක් මහන්සි වුනාට මොකද කන්ද කන්ද මුදුණට ගියාට පස්සේ දැනේනේ පුදුම සුවයක්. ඉතාමත් සුන්දර දර්ශනයක් කන්ද මුදුනෙන් පට දැකගන්නට පුලුවන්. අපි මේ ඉන්න තැනට කඳු පන්ති ඉතාමත් ලස්සනට පේනවා. ඒ අතර සමනල කන්ද ද දැකගන්න පුළුවන්. මිදුම් අතරින් දකින මේ දර්ශනයේ අලංකාරය වචනයෙන් කියලා නිම කරන්න නම් බැහැ. ඒ තරම් මේ පරිසරය සුන්දරයි. කන්ද මුදුණේ මදවේලාවක් විවේක ගත්තු අපි පහළට බැස්සේ කියාගන්න බැරි තරම් හැගීම් සමුදායක් එකතුකරගෙන. මේ ගමනේදී අපට සහය වුණු බොහෝ දෙනෙක් ඉන්නවා. ඒ සියලුදෙනාටම ගොඩක් ස්තුතියි. මේ වගේම තවත් සුන්දර සංචාරයකට ඔයාවත් එක්ක යන්න අපි එනවා ලබන සතියෙත්. අපි එනකන් පරිස්සමින් ඉන්න ඕන. ඔයාට ජයෙන් ජය. -අනුරුද්ධ සේනාධිලංකාර-

කලාව

කලාව යනු කුමක්ද යන්න පැහැදිලි කිරීමට නිශ්චිත නිර්වචනයක් නොමැත. එහෙත් එය අර්ථදැක්වීමටගෙන ඇති උත්සාහයන් ගණනාවක් දැකගත හැකිය.මෙරට නාට්‍ය කලාවට අනුපමේය සේවයක් කළ එදීරිවීර සරත්චන්ද්‍රයන් ප්‍රකාශකරන ආකාරයට

“කලාව යනු කුමක් දැයි පහදා දීම ඉතා උගහට ය.කලාව නො වන්නේ කුමක් දැයි දැක්වීම ඊට වඩා පහසු බව කිව යුතුයි”

- එදිරිවීරසරත්චන්ද්‍ර-

දක්වා ඇත.

Encyclopedia Micropedia සාර්ව ශබ්ධකොශයෙහි සඳහන් වන ආකාරයට “ගෘහ ksර්udKh, චිත්‍ර ශිල්පය, මුර්තිශිල්පය, සාහිත්‍ය, සංගීතය , නර්තනය ආදිය කලාවයටතට ගත හැකිය.”

Encyclopedia Britanica පේනවා දෙන

“ආකාරයට යමෙකු තුළ පවත්නා හැකියාවත්, බුද්ධියත්,මෙහෙයවා සෞන්දර්යාත්මක අර්ථ ඇති කලා කෘතියක් හෝ පරිසරයක් සෙසු අය සඳහා හඳුන්වා දීමයි.”

ඉංග්‍රීසි භාෂාවේ කලාව යන්න හැඳින්වීමට භාවිතාකරන වචනය වනුයේ “ATRS” යන්නය. එහෙත්මෙය ඇතැම් අවස්ථාවලදී අර්ථ ව්‍යාකුල වන ආකාරයට භාවිතාවන අවත්තද දැකගත හැකිය.නිදසුන් ලෙස ඇතැම් ආයතනවල අංශ වෙන්කිරීමේදී මෙය දැකගත හැකිය. “Art section” ඇතැම් අධ්‍යාපන ආයතනවල නම් යොදා ඇත එහෙත් එම අංශය තුළ ඇතැම් විද්‍යා විෂයන්ද උගන්වනු ලබයි. මෙහිදී සිදුව ඇත්තේ චිත්‍ර විෂයට යොදන ඉංග්‍රීසි වචනය හා සමස්තකලා විෂය මාලාව හැඳින්වීමට යොදන ARTSයන්න පටලවා ගැනීමකි.

කෙසේ වෙතත්

“Arts” +යන වචනය ඉංග්‍රීසි භාෂාවට පැමිණ ඇත්තේ ලතින් භාෂාවේ එන “ars” යන වචනයෙනි. එනම්යමෙකුගේ නව නිර්මාණාත්මක ශක්තියයි.

කලා නිර්මානයක පවතින වටිනාකම ගණනය කලනොහැකිය. එහෙත් වර්තමානය වන විට ගීතයක මිලක්පවතී. ග්‍රන්ත සඳහා මිලක් පවතී. එසේ වීමටද බලපානුයේ රටක පාලන අධිකාරිය විසින් කලාවට ලබාදී ඇති තක්සේරුවයි.  

සිංහල විශ්වකෝෂට අනුව කලාව යන්න ප්‍රධාන කොටස් තුනකට බෙදිය හැකිය

1. කලා සහ ශිල්ප

2. භාහිර ලක්ෂණ අනුව වර්ගීකරණය

3. ගුණාත්මක ලක්ෂණ අනුව වර්ගීකරණය

කලාව සතුව මුලධර්ම පවතී. යම් කලා කෘතියක් තොර ගැනීමට ප්‍රථම කල කෘතියක් යනු කුමක්ද යන්න වටහා ගත යුතුය. සරලව ගත හොත් කලා කෘතියක් යනු “එකතරා ක්ෂික්ෂණයක් යටතේ ප්‍රකාශ කිරීමේ ශක්තියත් එසේම අත්දැකීම් මගින් ලබාගන්නා තොරතුරුත් අඩංගු කොට සිදුකරනු ලබනksර්udKdනයකි”. කෙසේ වුවද කලාව හා මිනිසා අතරපවතිනුයේ වෙන් නොවන බැඳීමකි. ලෝකයේ පවතින සෑම කලා අංගයක්ම එක සමාන නොවේ. එයභූගෝලීය සාධක මත වෙනස් වී ඇත. විශේෂයන්මපෙරදිග හා අපරදිග කලානිර්මාණ තුළ පවතිනවෙනස්කම් පැහැදිලි ලෙසම දැකගත හැකිය. ග්‍රීකනිර්නාම තුල දැකගත හැකිවන්නේ බැඳීම් මුල්කොටගත් නිර්මාණයන්ය. එය දේවවාදී සංකල්පයන් ලෙස ඉදිරිපත් කර ඇත. දෙවියන් සියල්ල නිර්මාණය කළ බවට සාක්ෂි සැපයෙන අයුරින් එම නිර්මාණ ඉදිකොට ඇත. විශේෂයන්ම “තාත්විකවාදී”රිතියක් අනුගමනය කොර ග්‍රීක නිර්මාණ නිමවා ඇත. එහෙත් පෙරදිග රටවල නිර්මාණ ඊට හාත්පසින්මවෙනස්ය. පෙරදිග නිර්මාණ සඳහා බොහෝදුරට පාදකවී ඇත්තේ අධ්‍යාත්මික සුවයයි.

සත්වයින් වනාහි ksර්udKd;aul කොට්ටශයකි. ඔවුන් ksර්udKd;aul වීමට බලපාන සාධක ගන්නාවක් අතර බුද්ධිය ප්‍රමුඛ වේ. බුද්ධිය චින්තන යන්න ද වරෙක යම් කලාවකි. කුමක්ද කලාව නමින් හඳුන්වනුයේ?කලාවෙන් කරනුයේ කුමක්ද?කලාව කුමක් සඳහා පවතින්නේද?කලාව බුද්ධිමය ක්‍රියාවලියක ප්‍රතිපලයක්ද නැතිනම් විකාරයක්ද?කලාවට සිමා පවතීද?සිමා මොනවද?මෙලෙස නොයෙක් ගැටළු අප සිත් තුල ජනිත වීම සම්බන්ධයෙන් මම කෘතක්ඥ වෙමි.

මා ඉදිරියේ පවතින්නේද, ම ජිවත් වන්නේද කලාව තුලය. එය ඔබත් පොදු දහමකි. කලාව සරලවම ගතහොත් යම් කෘත්‍රිම දෙයකි. කලාව යන්න කව්රුන් ksර්udKh කළ ද එය අපුර්ව දෙයකි.කලාව ඉදිරිපත් කරන්නන් කලාකරුවන්ය. එබැවින් කලාකරුවන් කලාවේ  යන නිගමනයට නොබට යුතුය.මන්ද යත් ඇතැම් කලාකරුවන් කලාවේ පුරුක් විය හැකි බැවිනි.එහෙත් සියලුම කලාකරුවන් කෙරෙහි අපි ගෞරවකරමු.

සිතට නැගෙන මිහිරි අමිහිරි සිතිවිලි  මෙන්ම අත්දැකීමට ලක්වන නොයෙක් දෑ මිනිසා විසින් ප්‍රතිනිර්මනාට යන ගමන් මගේ එක තැනකදී කලාව උපදී. මුතු බෙල්ලෙකුගේ මාංශ අතර සැඟවුණු වැලි කැටයේ වේදනාව මුතු උපද්දවයි. මනෝභාවයන් කම්පනය වීමෙන් හටගන්නා සිතිවිලි කුමන හෝ මාධ්‍යක් ඔස්සේ ජනතාව අතරට ගමන් ගනී. ඒ කලාවෙන් සහෝර්දයන් ප්‍රකම්පනය වේ. ඇතැම් විට එම මාධ්‍ය ගීත මාධ්‍යක්,කවියක්.ගෘහ නිර්මාණයක්,වහනයක් ආදී මෙකි නොකී අපුර්ව දෙයක් විය හැක.

මානව පරිනාමයේ එදා මේද තුල නොයෙක් නිර්මාණ බිහි වි ඇත. එම නිම්න ඇලට අරමුණු ඇත. අරමුණු සැපත් කරගැනීමට ගොඩ නෙගු නුර්මන වල සාර්ථක අසර්තකබවයන් විමර්ශනයට විචය බිහි වි ඇත. මේ සියල්ලම දාමයක් ලෙස එකිනෙකට  බැඳී පවතී. රෝදය බිහිකරගත් ආදී මානවය එය ප්‍රවාහන මදයක් තත්වයට දියුණු කළහ.එයද කලාවකි.කලාව යනු විද්‍යාවෙන් තොර වුවක් නොව.කලාව පටු වුවක්ද නොව.

කලාව යන්න විවිධ නිර්ණායක නිසා වෙනස් වීමට හැකියාව පවතී.එය ඒක දේශික නොවේ.ඒක පර්ශවියත් නොවේ.සිතුම් පැතුම් අනුව කලාව වෙනස් විය හැක.පුනරුද යුගයේදී පැවති උච්ච කලාව  ඉසව්ව සිමා වූයේ බුද්ධිමතුන් ප්‍රිය කරන්න වූ කලාවක් ලෙසයි.කලාව යන්න සිමා නොකළ යුතුය. හැරල්ඩ් බ්ලුම්,රොබට් හයිසන් වැනි ප්‍රාඥයන් ප්‍රවිෂ්ඨ කළ ලේඛකයින්ය .ක්ෂේශ්පියර්, බිතෝවන් වැනි නිර්මාපකයින් කලාකෘති එම යුගයෙහි විශේෂයන්ය.අහිංසක ජනතාවටද මෙමගින් රසයක් ලැබුනා නම් වඩාත් යහපත් යැයි විටෙක දැනේ.

කලාකරු දුම්රියේ ගමන්ගත යුත්තේ තුන්වන පංතියේය යන්න සාමාන්‍ය කියමනකින් එහා ගිය විශේෂ කියමනකි.මෙය කලාකරුවාගේ මග යහපත් කිරීමට කියූ දෙයක් ලෙස හැගෙන තරමටම සංවේදී කියමනකි. කලාවට සීමාවක් නොමැත. සිමා දැමීමද පලක් නොවන දෙයකි.කලාකරුවන් සිය ගමන් මග සකසාගෙන අහිංසක කලාකාමී ජනතාව මුලා නොකරනවානම් කෙතරම් යහපත්ද?කලාව මානසික තෘප්තිය උදෙසා අරඹන බොහෝ දෙන අවසානයේ මුදල් මත කලාව රඳවන තත්වයකට පත්ව ඇත. මෙයට වගකිව යුත්තේ කලාකරුවන් පමණක් නොවේ. සමස්ත සමාජයම මීට වග කිව යුතුය. වාණිජ වාදී සමාජයක කලාකරුද අසරණ වි ඇත.

‘රසය’ යන්න පැහැදිලි කිරීම ඉතාමත් අසීරුය.ගීතයකට හෝ වාදනයකට සවන් දෙන තැනැත්තා තුළ කිසියම් ආහ්ලාදයක් උපදී. ඔහු එයින් රසාස්වාදයක් විඳිතියි. එහෙත් එම රසය විඳීමට හැකිය ඇත්තේ ගීතය හෝ සංගීතය ඇසෙන විට නොව අසන විටය.

රසාස්වාදය යනු අසන්නා තුළ ජනිත වන ආවේග රාශියයි. එය වින්දනයකි. අසන්නා එයින් තෘප්තිමත් වන්ට මෙන්ම නොවන්නටද පුළුවන . ඔහු එයින් කිසිදු වින්දනයක් ලබන්ට ද නොලබන්නටද පුළුවන. එහෙත්එම පුද්ගලයාගේ රසවින්දන මට්ටම තීරණය කිරීමට අපට නොහැකිය. ඇතැම් පිරිස් රසවින්දනයේ ප්‍රමාණය නිර්ණය කිරීමට පෙළඹෙති. එය නිෂ්පල ක්‍රියාවකි.